میٹھے رسیلے تربوز کو پہنچاننے کے 3 آسان طریقے

اکثر جب کبھی ہم پھل خریدتے ہیں تو ہمیشہ ہی مار کھا جاتے ہیں کیونکہ بظاہر اچھا دکھائی دینے والا پھل اندر سے کچا معلوم ہوتا ہے۔
کے فوڈز ویب ڈاٹ کام کی اس خبر میں آپ کو تربوز اور خربوزے کی شناخت سے متعلق بتائیں گے۔

تربوز:

تربوز ایک ایسا پھل ہے جو کہ سائز میں کافی بڑا ہوتا ہے، عام طور پر ایسے پھل کو خریدتے وقت گاہک یہ خیال کر لیتا ہے کہ ہرا دکھنے والا پھل ہی اچھا ہوتا ہے۔ مگر یہی سب سے بڑی غلط فہمی ہوتی ہے۔
تربوز کی شناخت کرتے ہوئے سب سے اہم چیز جس پر غور کرنا چاہیے وہ ہے تربوز پر ایک زرد پیلے رنگ کا دھبی چھال پر موجود ہوتا ہے جو کہ اس بات کی طرف اشارہ کر رہا ہوتا ہے کہ یہ تربوز کھانے کے قابل ہے اور پکا ہوا ہے۔
اسی طرح اگر آپ تربوز کو اٹھاتے ہو اور وہ تربوز کافی وزنی ہے، تو یہ بھی پکے ہوئے تربوز کی نشانی ہے، جبکہ ہرے رنگ کے اور وزن میں بھی کم تربوز پکے ہوئے نہیں ہوتے ہیں۔
اس طرح تربوز کو لینے سے پہلے ہلکے سے ہاتھ سے بجا کر دیکھیں اور اگر وہ آواز کرخت یا کسی چیز کو ٹھونکنے جیسی لگے تو پھل کو مسترد کردیں تاہم اگر یہ آواز ایسی ہو جیسے تاروں کو چھیڑا گیا ہو تو اس چن لیں۔

خربوزے:

خربوزے کو خریدتے وقت بھی اس بات کا خیال رکھیں کہ خربوزہ وزنی ہو اور گولائی میں ہو، کیونکہ میٹھے اور اچھے خربوزے کی ایک اہم کوائلٹی یہی ہے۔ اس کے بعد سب سے اہم چیز ہے خربوزے کی چھال پر موجود کوئی نقص یا دھبہ۔
اگر زرد رنگ کے خربوزے پر کوئی دھبہ یا نشان ہے تو ایسے خربوزے کو ہر گز نہ خریدیں، ساتھ ہی بھی دیکھ لیں کہ خربوزے پر کوئی لکیر تو نہیں۔ کیونکہ ایسے خربوزے زیادہ پک جانے کی وجہ سے خراب بھی ہو سکتے ہیں۔
خربوزے کو اچھی طرح دبا کر چیک کرلیں، اگر خربوزہ سخت معلوم ہو رہا ہے تو اس بات کی نشانی ہے کہ خربوزہ کھانے کے قابل تو ہے ہی ساتھ میٹھا اور رسیلا بھی ہے۔

By Urooj    |    In Health and Fitness   |    0 Comments    |    1006 Views    |    11 Apr 2022

Comments/Ask Question

Read Blog about میٹھے رسیلے تربوز کو پہنچاننے کے 3 آسان طریقے and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (میٹھے رسیلے تربوز کو پہنچاننے کے 3 آسان طریقے) and how to utilize other natural ingredients to cure diseases, easy recipes, and other information related to food from KFoods.