اتنا مہنگا میک اپ اور کام دیواروں کے پینٹ جیسا ۔۔ میک اپ کے نام پر منہ کو سفید کرنے والی لڑکی کی ویڈیو وائرل، صارفین کے دلچسپ تبصرے

پاکستان میں زیادہ تر لڑکیاں گوری رنگت کے جنون میں مبتلا ہیں کیونکہ ہمارے ملک میں گورے رنگ کو خوبصورتی کی علامت سمجھا جاتا ہے اسلیئے ہر کوئی بس اسی کوشش میں لگا رہتا ہے کہ کسی طرح بس وہ گورا ہوجائے۔ اور یہ جنون صرف پاکستان میں ہی نہیں بلکہ تمام جنوبی ایشیائی ممالک میں عام ہے۔

خوبصورت رنگت حاصل کرنے کی خواہش میں زیادہ تر، سیاہ رنگت والی لڑکیاں تقریبات اور شادیوں کے دوران سفید فاؤنڈیشن استعمال کرنا پسند کرتی ہیں، جو کہ درحقیقت چہرے کو اور عجیب کردیتا ہے۔

حال ہی میں، سوشل میڈیا پر ایک ویڈیو گردش کر رہی ہے جس میں لڑکی نے ایک اضافی سفید میک اپ کا انتخاب کیا ہے۔ گندمی رنگت والی ایک خوبصورت لڑکی نے بیوٹیشن کے ہاتھوں سفید میک اپ کروا کر اپنی شکل خراب کر دی۔

سوشل میڈیا صارفین غیر فطری سفید میک اپ پر مزاحیہ تبصرے کر رہے ہیں۔ انہیں لڑکی کا یہ لُک بلکل پسند نہیں آیا۔ ایک سوشل میڈیا صارف نے لکھا، یہ تو بھوت لگ رہی ہے۔ دوسرے کا کہنا تھا، بیوٹیشن نے اضافی سفید میک اپ کر کے شکل بگاڑ دی۔ ایک سوشل میڈیا صارف کا خیال تھا کہ، سفید رنگ ایک نہ ختم ہونے والا جنون ہے۔ جبکہ ایک صارف نے مذاق اڑاتے ہوئے لکھا، یہ ہے ایشئین پینٹ جو سالوں سال چلے۔