نہ دونوں ہاتھ ہیں نہ دونوں پاؤں۔۔ بھائیوں پر بوجھ نہیں بننا چاہتا! یہ معذور لیکن حوصلہ مند نوجوان کیا کام کرتا ہے؟

یوں تو ہر گلی اور نکڑ پر مانگنے والے موجود ہوتے ہیں جن میں سے کچھ مجبور تو کچھ ایسے ہوتے ہیں جنھیں مانگ کر کھانا، محنت کرنے سے آسان لگتا ہے۔ ایسے لوگوں کی بھی کمی نہیں جو ذرا ذرا سی مجبوری کو بہانہ بنا کر بھیک مانگا مانگنا اپنا حق سمجھتے ہیں البتہ آج ہم ایسے نوجوان کے بارے میں بتانے جارہے ہیں جو دونوں ہاتھ اور پاؤں سے محروم ہونے کے باوجود خود محنت کرتا ہے۔

“کب تک بھائی مجھے سپورٹ کریں گے کل کو جب ان کی شادیاں ہوجائیں گی تو پتہ نہیں وہ مجھے سپورٹ کریں گے یا نہیں۔ بہنیں بھی اپنے گھروں کی ہوجائیں گی یہی سوچ کر میں نے اپنا ہر کام خود کرنا شروع کیا“

یہ کہنا ہے علی نواز سومرو کا جو دونوں ہاتھوں اور دونوں پیروں سے معذور ہیں لیکن انھوں نے اپنی اس معذوری کو کبھی اپنی سوچ پر حاوی نہیں ہونے دیا اور اسی وجہ سے وہ آج ایک کامیاب انسان کے طور پر اپنے پاؤں پر کھڑے ہیں۔ علی نواز انٹرنیشنل اسلامک یونیورسٹی میں زیرِ تعلیم ہیں اور مستقبل میں سوشولاجسٹ بن کر غریب عوام کو سپورٹ کرنا چاہتے ہیں۔

پہلی بار خود کپڑے تبدیل کیے تو بہت چوٹ آئی لیکن ہمت نہیں ہاری

اپنی محرومیوں کے باوجود آگے بڑھنے کی کوشش جاری رکھنے کے بارے میں علی نواز کہتے ہیں کہ جب وہ 8 سال کے تھے تب سے انھوں نے اپنا ہر کام خود کرنے کی ٹھانی۔ گھر والے انھیں کچھ کرنے نہیں دیتے لیکن انھوں نے سوچا کوئی کب تک ان کے ساتھ رہے گا اور یہی خیال تھا کہ انھوں نے گھر والوں سے چھپ کر رات کے اندھیرے میں اپنے کام خود کرنے شروع کیے یہاں تک کہ ایک بار کپڑے بدلتے ہوئے ان کو شدید چوٹ آئی اور خون رسنا شروع ہوگیا تو انھوں نے سامنے کھڑے پانی میں اپنے دونوں ہاتھ ڈال دیے تاکہ خون رک سکے۔ علی نواز کہتے ہیں وہ وقت یاد کرکے آج بھی آنکھوں میں آنسو آجاتے ہیں لیکن اس دن کے بعد وہ کبھی پیچھے نہیں ہٹے اور روز اپنا کوئی نہ کوئی کام اپنے ہاتھ سے کرتے ہیں۔

غریبوں کی مدد کرنا چاہتا ہوں

علی نواز سومرو ٹرائبل نیوز نیٹورک کو انٹرویو دیتے ہوئے کہتے ہیں کہ اپنے پیروں پر کھڑے ہوکر غریب لوگوں کی مدد کرنا چاہتے ہیں کیوں کہ انھیں لوگوں کو مانگتا دیکھ کر اچھا نہیں لگتا۔ ان کا کہنا ہے کہ جب باقی لوگ ایم پی اے، ایم این اے بن سکتے ہیں تو ہم جیسے لوگ کیوں نہیں۔

By Khush Bakht  |   In News  |   0 Comments   |   1359 Views   |   08 Nov 2022
Related Articles
Top Trending
Comments/Ask Question

Read Blog about نہ دونوں ہاتھ ہیں نہ دونوں پاؤں۔۔ بھائیوں پر بوجھ نہیں بننا چاہتا! یہ معذور لیکن حوصلہ مند نوجوان کیا کام کرتا ہے؟ and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (نہ دونوں ہاتھ ہیں نہ دونوں پاؤں۔۔ بھائیوں پر بوجھ نہیں بننا چاہتا! یہ معذور لیکن حوصلہ مند نوجوان کیا کام کرتا ہے؟) and how to utilize other natural ingredients to cure diseases, easy recipes, and other information related to food from KFoods.