اخروٹ کھانے سے پہلے7 گھنٹے پانی میں بھگو کر رکھنے سے کیا ہوتا ہے؟ اس عمل کے ایسے ان گنت فوائد، جو جاننا آپ کے لیئے بہت ضروری ہیں

آپ نے بہت سے لوگوں کو بادام، پستے یا کشمش وغیرہ رات کو پانی میں بھگو کر صبح میں کھاتے دیکھا ہوگا اور اس سے ہونے والے فائدوں سے بھی آپ آگاہ ہوں گے۔ لیکن کیا آپ جانتے ہیں اخروٹ کو بھی رات بھر بھگو کر کھایا جاتا ہے اور اسکے ان گنت فوائد بھی مطالعات میں موجود ہیں۔

اخروٹ کو پانی میں بھگونا ایک ایسا قدم ہے جو بہ ظاہر تو معمولی لگتا ہے لیکن اس سے صحت پر کافی اثر پڑتا ہے۔ اخروٹ غذائی اجزاء کا ایک طاقتور ذریعہ ہے، جو دل کو صحت مند اومیگا 3 فیٹی ایسڈ، پروٹین، فائبر، وٹامن ای جیسے اینٹی آکسیڈنٹس اور میگنیشیم جیسے ضروری معدنیات فراہم کرتا ہے۔ اسکے علاوہ اخروٹ دماغی صحت، کولیسٹرول میں کمی اور مجموعی صحت کیلیئے بھی اچھا ہے۔

اخروٹ بھگونے کا صحیح طریقہ:

پورے اخروٹ کو چھیل کر رات بھر بھگو کر رکھنے سے ان کی گرمی کم ہوجاتی ہے جس سے انہیں ہضم کرنا آسان ہو جاتا ہے۔ جبکہ کچھ ماہرین کہتے ہیں کہ فوائد حاصل کرنے کا صحیح طریقہ اخروٹ کو 6 سے 7 گھنٹے بھگو دینا ہے۔ اوسطاً ایک صحت مند شخص 3 سے 4 بھیگے ہوئے اخروٹ کھا سکتا ہے۔

بھیگے ہوئے اخروٹ کھانے کے فائدے:

۔ اخروٹ کو بھگونے سے اہم غذائی اجزاء کو جذب کرنے میں مدد ملتی ہے اور ان کی تاثیر میں اضافہ ہوتا ہے۔

۔ جب اخروٹ کو بھگو دیا جاتا ہے تو اومیگا 3 فیٹی ایسڈز زیادہ آسانی سے جذب ہو جاتے ہیں جو دل کی صحت کو بہتر بنانے کے لیے جانے جاتے ہیں۔

۔ اخروٹ بھگونے سے اس میں اینٹی آکسیڈینٹ بھی زیادہ دستیاب ہوسکتے ہیں جو آکسیڈیٹیو تناؤ اور سوزش سے لڑنے میں مدد کرتے ہیں۔

۔ اسکے علاوہ یہ وٹامنز اور معدنیات کی مجموعی صحت کو بہتر بنانے میں معاون ثابت ہوتے ہیں۔

۔ اخروٹ کو بھگو کر استعمال کرنے سے یہ باآسانی ہضم ہوجاتے ہیں اور زیادہ فائدہ پہنچاتے ہیں۔