3 معصوم بیٹیوں کا باپ شہید ۔۔ دشمنوں کے حملے سے کانسٹیبل محمد اکبر شہید، حملہ کیسے ہوا؟

رحیم یار خان پولیس کے کانسٹیبل محمد اکبر کچے کے ڈاکوؤں سے مقابلہ کرتے ہوئے جام شہادت نوش کر گئے۔ جبکہ 4 پولیس اہلکار زخمی ہو گئے۔

تفصیلات کے مطابق کانسٹیبل محمد اکبر اپنے ساتھیوں کے ساتھ گشت پر تھے کہ ڈاکوؤں نے چھپ کر پیچھے سے وار کیا جس کا بھرپور مقابلہ کرتے ہوئے ہمارے فوجی جوان آگے بڑھے۔ اس حادثے میں کتنے ڈاکو مارے گئے یہ اطلاعات تاحال موصول نہیں ہوئیں البتہ صرف کانسٹیبل محمد اکبر کے شہید ہونے کی اطلاعات ہیں۔ اکبر اپنے والدین کے اکلوتے بیٹے تھے ان کے ورثاء کہتے ہیں: " وہ ہمیشہ سے چاہتا تھا کہ جب خدا کے سامنے کھڑا ہو تو شہیدوں کی فہرست میں نظر آئے، آج اس کا یہ خواب بھی پورا ہوگیا۔ "

کچے کے علاقے میں ڈاکوؤں سے مقابلہ کے دوران شہید کانسٹیبل محمد اکبر کی نماز جنازہ پولیس لائن میں ادا کر دی گئی۔ ڈی آئی جی ایڈمن جنوبی پنجاب چوہدری محمد سلیم اور اے آئی جی ڈسپلن جنوبی پنجاب عمران شوکت بھی نماز جنازہ میں شریک ہوئے۔ پولیس کے چاک و چوبند دستے نے شہید کانسٹیبل کے جسد خاکی کو سلامی پیش کی۔ حملے میں اے ایس آئی اعجاز النبی، کانسٹیبل اظہر حسین، نجم اور ڈرائیور نوید زخمی ہوئے ہیں۔

کانسٹیبل محمد اکبر 3 کم سن بیٹیوں عائشہ، فاطمہ، زہرہ اور 1 بیٹے احمد کے باپ تھے۔ گھر والے غم سے نڈھال بھی ہیں، لیکن بیٹے کی شہادت پر فخر محسوس کر رہے ہیں۔