انرجی ڈرنکس کے استعمال نے ہسپتال پہنچا دیا۔۔ 22 سالہ لڑکا کون سی بڑی بیماری میں مبتلا ہوگیا؟ نوجوانوں کے لیئے وارننگ

Man Lost The Ability To Walk After Years Of Consuming Energy Drinks

ماسکو، روس کے سینٹ پیٹرزبرگ سے تعلق رکھنے والا 22 سالہ نوجوان آرٹیم انرجی ڈرنکس کی مسلسل اور زیادہ مقدار میں استعمال کے باعث چلنے پھرنے سے قاصر ہو گیا۔

رپورٹس کے مطابق، آرٹیم نے شروع میں دن میں صرف ایک کین پیا، لیکن طویل گیمنگ سیشنز اور خالی پیٹ پر مسلسل استعمال کے باعث یہ تعداد بڑھ کر تین سے پانچ کین تک پہنچ گئی۔ ابتدائی طور پر نوجوان شدید پیٹ درد، متلی اور الٹی کی شکایات کے ساتھ اسپتال پہنچا، جہاں تشخیص میں اس کے لبلبے کی سوزش سامنے آئی۔

مزید براں، اس کے لبلبے میں ایک سسٹ بن گیا جس نے پیپ نیکروسس پیدا کر کے جسم میں سنگین مسائل پیدا کر دیے، جس کے نتیجے میں اس کی ٹانگیں مفلوج ہو گئیں۔ اب آرٹیم بحالی کے عمل سے گزر رہا ہے۔

ماہرین صحت کے مطابق انرجی ڈرنکس میں زیادہ مقدار میں چینی اور کیفین موجود ہوتی ہے، جو طویل استعمال سے دل کی دھڑکن تیز کرنا، بے خوابی، سر درد، پانی کی کمی، چکر، ہائی بلڈ پریشر اور معدے کے مسائل پیدا کر سکتی ہے۔ ایف ڈی اے کی ہدایت کے مطابق بالغ افراد کو روزانہ 400 ملی گرام سے زائد کیفین لینے سے گریز کرنا چاہیے۔

یہ واقعہ ایک وارننگ ہے کہ انرجی ڈرنکس کا غیر محتاط استعمال صحت کے لیے خطرناک ثابت ہو سکتا ہے۔