دوسری بیوی سے ہونے والی بیٹی نے قسمت بدل دی۔۔ شبیر جان کی زندگی میں یشمیرہ کے آنے سے کیا تبدیلیاں آئیں؟ اداکار کا نکشاف

Shabbir Jan Talks About Daughter Yashmeera

پاکستانی شوبز اداکار شبیر جان نے ایک نجی ٹی وی شو میں شرکت کے دوران اپنی زندگی کے کچھ ایسے پہلوؤں سے پردہ اٹھایا جنہوں نے دیکھنے والوں کو جذباتی کر دیا۔

گفتگو کے دوران شبیر جان نے بتایا کہ اگرچہ ان کی پہلی شادی سے بھی دو بیٹیاں تھیں، لیکن مالی حالات کچھ خاص بہتر نہ تھے۔ مگر جب ان کی دوسری اہلیہ فریدہ سے بیٹی یشمیرہ پیدا ہوئیں، تو قسمت نے جیسے نئی کروٹ لی۔

یشمیرہ کی پیدائش کے بعد میرے حالات یکسر بدل گئے۔ رزق میں اضافہ ہوا، کام کے مواقع بڑھے اور زندگی ایک مثبت موڑ پر آ گئی۔

ان کا کہنا تھا کہ وہ یہ نہیں کہہ رہے کہ پہلی بیٹیاں کم نصیب تھیں، لیکن یشمیرہ کا آنا ان کے لیے ایک الگ خوش بختی لے کر آیا۔

ان کے اس جذباتی اور پدرانہ بیان پر سوشل میڈیا پر مداحوں نے دل کھول کر محبت کا اظہار کیا۔ صارفین نے بیٹیوں کو رحمت قرار دیتے ہوئے شبیر جان کی سوچ کو سراہا اور کہا کہ ایسے خیالات معاشرے کے لیے امید کا پیغام ہیں۔

اس گفتگو کے دوران شبیر جان نے شوبز کے بدلتے منظرنامے پر بھی بات کی۔ ان کے مطابق آج پڑھی لکھی فیملیوں کے نوجوان اس فیلڈ کا حصہ بن رہے ہیں، جو بہت خوش آئند ہے۔

انہوں نے مزید کہا کہ، ہماری ڈرامہ انڈسٹری تبدیلی کے دور سے گزر رہی ہے اور نئی تخلیقی لہریں آ رہی ہیں، جو اس میدان کو مزید وسعت دے رہی ہیں۔

ان کا ماننا ہے کہ کامیابی کی کنجی ہمیشہ کچھ نیا سیکھنے اور کرنے کے جذبے میں چھپی ہے، اور یہی جذبہ ان کے مسلسل سفر کا راز بھی ہے۔

اس انٹرویو نے نہ صرف ان کے مداحوں کے دل جیت لیے بلکہ یہ بھی ثابت کر دیا کہ بیٹیاں صرف گھر کی رونق نہیں، بلکہ باپ کی تقدیر بھی بدل سکتی ہیں۔