بالوں میں ایک کپ چھاچھ ڈالیں اور پھر۔۔ کیمیکل والی چیزیں استعمال کرنے کے بجائے گھر میں بنائیں ہیئر ماسک، جو بالوں کئی مسئلے حل کرئے

موسم کی تبدیلی کے ساتھ ہی بالوں کے مسئلے بھی شروع ہوجاتے ہیں، جہاں سردیوں میں بال خشک ہوتے ہیں اور ان میں خشکی ہوجاتی ہے وہیں دوسری طرف گرمیاں آنے پر یہی خشکی پسینے کے باعث بالوں کی جڑوں میں جا کر چپک جاتی ہے، جس سے سر میں خارش ہونے لگتی ہے اور پھر آپ جتنے بال کھجائیں گی اتنے ہی زیادہ بال ٹوٹیں گے۔

ایسے میں خواتین کیمیکل والی مصنوعات کی طرف راغب ہوتی ہیں جو خشکی سے پاک بالوں کی تشہیر کرتے ہیں، لیکن باوجود پیسے خرچ کرنے کے کوئی خاص فرق نہیں پڑتا الٹا بال اور زیادہ خشک اور روکھے ہوجاتے ہیں۔

اسلیئے آج ہم لائے ہیں ایک ایسی زبردست ریمیڈی جو خواتین نہ صرف خود اپنے بالوں میں لگا سکتی ہیں بلکہ گھر میں کسی بچے یا مرد حضرات کو اس طرح کا مسئلہ ہے تو یہ اس میں بھی کارآمد ثابت ہوگی۔

سر کی خشکی، خارش اور ہیئر فال دور کرنے کی ریمیڈی:

۔ چھاچھ ایک کپ
۔ آدھے لیموں کا رس
۔ ایلوویرا کا پتّا
۔ ناریل یا زیتون کا تیل 1 چمچ
سب سے پہلے ایک پیالے میں چھاچھ لیں اور اس میں لیموں کا رس شامل کر کے اسے مکس کریں، جب وہ گاڑھا ہوجائے تو اس میں ایلوویرا کے پتّے کا گودا (اچھے سے پھینٹ کر) اور تیل ملا کر اتنا مکس کریں کہ وہ ایک جان ہوجائے۔
اب نہانے سے پہلے اسے اپنے بالوں اور سر کی جڑوں میں اچھی طرح سے لگا دیں اور شاور کیپ پہن لیں، 15 منٹ بعد شیمپو سے بالوں کو دھولیں۔
اس ریمیڈی کو ہفتے میں ایک بار استعمال کرنے سے آپ کے بال بھی اچھے ہونگے اسکے ساتھ ہی خشکی، سِکری اور خارش سے بھی نجات ملے گی۔