گنجی ہونے لگی تو کسی نے اس چیز کا بتایا۔۔ ملائکہ اروڑا نے بالوں کا جھڑنا کیسے روکا؟

بالوں میں کنگھا کرتے ہوئے اگر آپ کے بال بھی جھڑنے لگے ہیں تو پریشان نہ ہوں اس مصیبت کا شکار صرف آپ ہی نہیں بلکہ سیلیبریٹیز بھی ہوتے ہیں۔ اس آرٹیکل میں ہم آپ کو بالوں کا جھڑنا روکنے کے کچھ آزمودہ ٹپس بتائیں گے۔

بالیوڈ کی نامور اداکارہ ملائکہ اروڑا کے نام سے کون واقف نہیں۔ 50 برس کی عمر میں بھی حسین اور جوان ہیں۔ خاص طور پر ان کے بال کافی سیاہ اور چمکدار ہیں۔ اداکارہ کا کہنا ہے کہ عالمی وبا کووڈ کا شکار ہونے کے بعد ان کے بال تیزی سے جھڑنے لگے جس کے بعد انھوں نے پیاز کا رس سر کی جلد پر لگایا جس سے بالوں کا جھڑنا فوری طور پر رک گیا اور بال حسین اور گھنے ہوگئے۔

ماہرین کا کہنا ہے کہ چونکہ لوگ عام طور پر بھرپور غذائیں نہیں لیتے جس کی وجہ سے جسم میں بہت سی کمیاں ہوجاتی ہیں۔ انھیں دور کرنے کے لئے ملٹی وٹامن بالخصوص وٹامن ای کا استعمال کریں۔ تیل میں وٹامن ای ملا کر بھی استعمال کیا جاسکتا ہے۔ اس سے بالوں کی صحت بہتر ہوتی ہے۔

ہفتے میں دو بار لہسن، ادرک اور پیاز کا عرق ملا کر یا الگ الگ سر کی جڑوں میں اچھی طرح لگائیں اور صبح اٹھ کر سر دھو لیں۔ بالوں کو نئی زندگی مل جائے گی اور جھڑنا رک جائیں گے۔