تیزابیت اور سینے میں شدید جلن ہے؟ ۔۔ جانیں ماہرین کی بتائے ہوئے چند آسان طریقے جو کرے سینے کی جلن کا مکمل خاتمہ

ہم کھانے میں اکثر ایسی چیزیں استعمال کر لیتے ہیں جو کھانے کے بعد صحیح طرح ہضم نہیں ہوتیں اور پھر سینے میں جلن اور تیزابیت کا باعث بنتی ہیں، ایسے میں کس طرح سے اس پریشانی سے نجات حاصل کی جاسکتی ہے؟
آج کے فوڈز آپ کو بتائے گا ماہرین کے بتائے ہوئے چند ایسے طریقے جن کو آزما کر آپ سینے کی جلن سے مکمل نجات پا سکتی ہیں، وہ بھی بہت آسانی سے۔
پہلے یہ جان لیں کہ کن احتیاطی تدابیر پر عمل کر کے آپ سینے کی جلن اور تیزابیت سے بچ سکتے ہیں۔

احتیاطی تدابیر

• سب سے پہلے تو اگر آپ سگریٹ یا تمباکو نوشی کرتے ہیں تو اسے فوری چھوڑ دیں، کیونکہ یہ ہمارے جسم میں کئی بڑی بیماریوں کی اہم وجہ ہے۔
• سوڈا ڈرنک، کافی اور چائے کم سے کم استعمال کریں، ان چیزوں کو زیادہ استعمال کرنے والے افراد زیادہ سینے کی جلن اور تیزابیت کا شکار ہوتے ہیں۔
• چکنائی والے اور مرچوں والے کھانوں سے گریز کریں، کم تیل میں بنا کھانا کھائیں۔
• وزن متوازن رکھیں۔
• روزانہ کھانا کھانے کے بعد کم سے کم آدھا گھنٹہ چہل قدمی کریں۔

تیزابیت دور کرنے کے آزمودہ طریقے

• اجوائن کا پانی

ایک چائے کا چمچ اجوائن کو پانی میں بھگو کر رات بھر رکھیں صبح نہار منہ یہ پانی پی لیں، بہت جلدی جلن اور تیزابیت کا خاتمہ ہوگا۔

• سونف والی چائے

آپ اگر چائے لازمی پیتے ہیں تو اس میں پتی کے ساتھ ساتھ سونف بھی ڈال کر استعمال کریں یا پھر آپ اجوائن کے پانی کے ساتھ ساتھ سونف رات میں بھگو کر اس کا پانی بھی استعمال کر سکتے ہیں۔

• ٹھنڈا دودھ

دودھ ٹھنڈا کر کے پینے سے بھی سینے کی جلن فوری دور ہوتی ہے، آپ چاہیں تو اسے مزید جلدی ختم کرنے کے لئے آدھا گلاس ٹھنڈے دودھ میں آدھا گلاس ٹھنڈا پانی ملا کر بھی پی سکتے ہیں اس سے فوری معدے کی تیزابیت دور ہوتی ہے۔

• دہی کا استعمال

دہی ہمارا نظامِ ہاضمہ بہتر بناتا ہے اگر دہی کو روزانہ کی خوراک کا حصہ بنا لیا جائے تو اس سے بھی بہت فائدہ ہوگا، تیزابیت نہیں ہوگی، سینے کی جلن دور ہوگی۔

• شہد کا استعمال

کئی ماہرین کی یہ رائے ہے کہ اگر نیم گرم پانی میں ایک چمچ شہد گھول کر پی لیا جائے تو اس سے بھی تیزابیت دور ہوتی ہے اور سینے کی جلن ختم ہوتی ہے۔

By Sadia    |    In Health and Fitness   |    0 Comments    |    3610 Views    |    29 Aug 2021

Related Articles

Comments/Ask Question

Read Blog about تیزابیت اور سینے میں شدید جلن ہے؟ ۔۔ جانیں ماہرین کی بتائے ہوئے چند آسان طریقے جو کرے سینے کی جلن کا مکمل خاتمہ and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (تیزابیت اور سینے میں شدید جلن ہے؟ ۔۔ جانیں ماہرین کی بتائے ہوئے چند آسان طریقے جو کرے سینے کی جلن کا مکمل خاتمہ) and how to utilize other natural ingredients to cure diseases, easy recipes, and other information related to food from KFoods.