جانیں وہ کون سی غذائیں ہیں جن کا استعمال کر کے آپ جلن اور تیزابیت سے دور رکھ سکتا ہے تاکہ آپ بھی رہ سکیں معدے کی تکلیفوں سے دور

سینے کی جلن ہماری روز مرہ کی زندگی اور صحت کو بہت متاثر کرتی ہے، اگر ہمیں تیزابیت ہو تو ہم کھانا صحیح طرح نہیں کھا سکتے اور اس وجہ سے ہم کئی غذائی اجزاء سے محروم رہ جاتے ہیں۔
اس لئے آج ہم آپ کو چند ایسے پھلوں، سبزیوں اور کھانوں کے بارے میں بتانے جا رہے ہیں جن کے استعمال سے آپ تیزابیت سے بچ سکتے ہیں وہ کون سی غذائیں ہیں جان لیں۔

بیریز:

چاہے اسٹرابیری ہو یا بلو بیری یا پھر رس بیری ہر قسم کی بیریز کے استعمال سے آپ معدے کی بیماریوں اور تیزابیت سے دور رہ سکتے ہیں، آپ کو جو بھی بیری آسانی سے میسر ہو آپ اس کا لازمی استعمال کریں۔

مچھلی کا استعمال:

مچھلی پروٹین اور لانگ چین اومیگا 3 فیٹی ایسڈ ای پی اے اور ڈی ایچ اے کا ایک بہت بڑا ذریعہ ہے، مچھلی میں موجود یہ غذائی اجزاء آپ کو معدے کی تیزابیت سے بچاتے ہیں۔

بروکولی کا استعمال:

یوں تو یہ سبزی ہمارے ملک میں پہلے با آسانی نہیں ملتی تھی مگر اب یہ اکثر جگہ جگہ ملنے لگی ہے آپ بڑے اسٹورز وغیرہ سے اسے خرید سکتے ہیں، بروکولی پھول گوبی کی طرح ہوتی ہے مگر یہ تیز سبز رنگ کی ہوتی ہے اس میں موجود اینٹی آکسیڈینٹس آپ کو تیزابیت سے دور رکھتے ہیں۔

گرین ٹی:

گرین ٹی سب سے زیادہ صحت بخشنے والی مشروب ہے، اس کا استعمال آپ کو یہ آپ کے دل کی بیماری، کینسر، الزائمر کی بیماری، موٹاپے اور معدے کی بیماریوں سمیت تیزابیت سے بھی بچاتی ہے،

انگور:

انگور کھانے میں جتنے لذیذ ہوتے ہیں اتنے ہی فائدے مند بھی ہیں، انگور میں موجود غذائی اجزاء سینے کی جلن اور تیزابیت کو ختم کرتے ہیں، ایک تحقیق میں دیکھا گیا کہ معدے کی اور دل کی بیماری میں مبتلا افراد نے جب روزانہ انگور کا استعمال کیا تو ان کی صحت میں بہتری آئی اور معدے کے مسائل ختم ہوگئے۔