سب کہتے ہیں ماں مجھ سے زیادہ خوبصورت ہے لیکن.. پلک تیواری اپنی ماں سے کیا ایک چیز سیکھنا چاہتی ہیں؟

"لوگ زیادہ سے زیادہ یہی کہتے ہیں کہ میں اپنی ماں جتنی سندر نہیں ہوں تو ہاں ٹھیک ہے نہیں ہوں میں، مجھے پتہ ہے. بلکہ مجھے تو لگتا ہے میری ماں سے زیادہ کوئی خوبصورت ہے ہی نہیں"

یہ کہنا ہے بھارتی اداکارہ پلک تیواری کا جنھوں نے حال ہی میں سی این این نیوز 18 کو انٹرویو دیتے ہوئے اپنے اور والدہ کے درمیان موازنہ کیے جانے کے حوالے سے گفتگو کی.

پلک تیواری کا کہنا ہے کہ وہ اپنی والدہ کی سب سے بڑی مداح ہیں۔ البتہ اپنی اداکاری کے حوالے سے ان کا کہنا تھا کہ ابھی انھیں صرف 2 سال ہوئے ہیں. انھیں تھوڑا وقت دیا جائے اس کے بارے میں پھر بعد میں بات کریں گی. پلک کا کہنا تھا کہ ان کی اداکاری اتنی بری بھی نہیں ہے.

والدہ کے متعلق پلک کا کہنا تھا کہ انھوں نے ہمیشہ اپنی ماں سے کچھ نہ کچھ سیکھنے کی کوشش کی. وہ ایک محنتی خاتون ہیں. "میری والدہ زندگی میں اتنی سلجھی ہوئی عورت ہیں، مجھے بس اُن سے ایک عورت بننا سیکھنا ہے"

واضح رہے کہ پلک تیواری اداکارہ شویتا تیواری کی بیٹی ہیں. اگرچہ دونوں کے درمیان ماں بیٹی کا رشتہ ہے لیکن کم عمری میں شادی ہونے کی وجہ سے دونوں کی عمروں میں زیادہ فرق نہیں ہے اور شویتا تیواری کو آج بھی خوبصورت اداکارہ مانا جاتا ہے.