لوگ مر رہے ہیں اور اس غدار کو دیکھو۔۔ کرینہ کپور کے پاکستانی ڈیزائنر کے ساتھ سیر سپاٹے! بھارتی صارفین جل بُھن گئے

Kareena Kapoor Picture With Pakistani Designer Goes Viral

بالی ووڈ کی صفِ اول کی اداکارہ کرینہ کپور ایک بار پھر خبروں کی زینت بن گئیں—لیکن اس بار کسی فلم یا فیشن کے باعث نہیں بلکہ ایک پاکستانی شخصیت کے ساتھ تصویروں کی وجہ سے، جو سوشل میڈیا پر طوفان برپا کر چکی ہیں۔

حالیہ دنوں دبئی میں فراز منان— جو کہ پاکستان کے ممتاز فیشن ڈیزائنر مانے جاتے ہیں— کے ساتھ کھنچوائی گئی کرینہ کپور کی تصاویر نے بھارتی سوشل میڈیا صارفین کو شدید غصے میں مبتلا کر دیا ہے۔

یہ تصاویر 27 اپریل کو فراز منان کے انسٹاگرام پر شیئر کی گئیں، جنہیں دیکھ کر انٹرنیٹ پر جیسے آگ لگ گئی۔

یہ سب ایک نازک وقت پر سامنے آیا ہے، صرف چند دن پہلے پہلگام حملے میں 26 افراد کی ہلاکت کے بعد بھارت نے براہِ راست الزام پاکستان پر عائد کیا، جس کے بعد سیاسی تناؤ میں اضافہ ہوا اور ایک بار پھر پاکستانی فنکاروں پر پابندیوں کی بازگشت سنائی دی۔ ایسے حالات میں ایک پاکستانی ڈیزائنر کے ساتھ کرینہ کپور کی مسکراتی تصاویر نے صارفین کو مشتعل کر دیا۔

بھارتی صارفین نے اداکارہ کو "غدار" اور "بے شرم" جیسے سخت القابات سے نوازا، یہاں تک کہ اُن کی ذاتی زندگی— خصوصاً سیف علی خان کے ساتھ ان کی شادی کو بھی تنقید کا نشانہ بنایا گیا۔

دلچسپ بات یہ ہے کہ فراز منان صرف کرینہ کپور کے ہی قریبی نہیں، بلکہ بالی ووڈ کئے کئی دیگر معروف فنکار بھی ان کے فیشن کے مداح ہیں۔ کیارا ایڈوانی، سونم کپور، جھانوی کپور، نیتو کپور، کارتک آریان اور دیگر کئی نام ان کے فالورز کی فہرست میں شامل ہیں۔ مگر اس وقت کرینہ ہی اس آن لائن غصے کا نشانہ بن رہی ہیں۔

اس معاملے پر بعض صارفین نے کرینہ کے مکمل بائیکاٹ کا مطالبہ بھی کیا ہے— فلموں سے لے کر برانڈ مہمات تک۔

ایک اہم نکتہ یہ بھی ہے کہ دبئی میں بالی ووڈ اور پاکستانی شوبز شخصیات کے درمیان میل جول کوئی نئی بات نہیں، لیکن موجودہ ماحول نے اس معمولی سی ملاقات کو بھی ایک بڑے تنازعے میں بدل دیا ہے۔