لوکی کھانا سنتِ نبویﷺ ہے، لیکن اگر لوکی کا جوس بنا کر پیا جائے تو اس کے حیرت انگیز فوائد جان کر آپ بھی حیران رہ جائیں گے، جانیں لوکی کے جوس کے 5 حیرت انگیز فوائد

قدرت کی بےشمار نعمتوں میں سے ایک نعمت لوکی کی سبزی ہے، جو کہ صحت بخش اجزاء سے مالا مال ہے اس کا استعمال آپ کے جسم کو ہائیڈریٹ رکھتا ہے جبکہ اس میں وٹامن سی، اے اور کے، کی بھی وافر مقدار موجود ہوتی ہے۔
لوکی میں سوڈیم، کیلشیم، آئرن، زنک اور میگنیشیم جیسے ضروری معدنیات بھی پائے جاتے ہیں، یہ کولیسٹرول لیول برقرار رکھتی ہے اور دل کے کئی امراض کا بھی علاج ہے۔
لوکی کھانے سے نظامِ ہاضمہ بہتر ہوتا ہے یہ ہمارے معدے کو سکون بخشتی ہے اور پیٹ درد جیسے مسائل کا حل ہے۔
لیکن اگر لوکی کے جوس کی بات کی جائے تو اس کا جوس ذیابیطس کے مریضوں کے لیے فائدہ مند ہے کیونکہ یہ بلڈ شوگر کی سطح کو مستحکم کرتا ہے اور بلڈ پریشر کو برقرار رکھتا ہے۔
لوکی کے جوس کے مزید کیا فوائد ہیں آئیے ان پر ایک نظر ڈالتے ہیں۔

لوکی کے جوس کے حیرت انگیز فوائد:

ذہنی تناؤ سے نجات:

لوکی میں کلین کی وافر مقدار موجود ہوتی ہے، کلین ایک قسم کا نیورو ٹرانسمیٹر ہے جو دماغ کے افعال کو بہتر بنانے میں مدد کرتا ہے اور ہمیں تناؤ، افسردگی اور دیگر ذہنی مسائل سے دور رکھتا ہے۔

دل کی صحت برقرار رکھے:

اگر روزانہ صبح نہار منہ لوکی کا جوس پیا جائے تو اس سے دل کے کئی مسائل حل ہوتے ہیں یہ بلڈ شوگر متوازن رکھتا ہے اور دل کی صحت کو برقرار رکھتا ہے۔

وزن کم کرے:

لوکی کا جوس وزن کم کرنے کے لئے بھی استعمال کیا جاتا ہے، لوکی فائبر سے بھرپور ہوتی ہے، اس کے جوس سے آپ زیادہ دیر تک بھوک کے احساس کے بنا رہ سکتے ہیں اور اس میں کیلوریز بھی بہت کم ہوتی ہیں اس لئے لوکی کے جوس کو وزن میں کمی کا بہترین زریعہ ہے۔

پیٹ کے مسائل کا حل:

لوکی کا جوس استعمال کرنے سے نظامِ ہاضمہ بہتر ہوتا ہے قبض کی شکایت دور ہوتی ہے، اس میں موجود فائبر آنتوں کے مسائل حل کرنے کے لئے مفید ہے۔

ٹھنڈک بخشے:

لوکی کا جوس آپ کے جسم میں ٹھنڈک میں پیدا کرتا ہے لوکی کا جوس گرمیوں کے دوران آپ کے جسم کو ہائیڈریٹ رکھتا ہے، اس کے استعمال سے معدہ ٹھنڈا رہتا ہے اور جسم کی گرمی دور ہوتی ہے لوکی کا جوس السر کے مریضوں کے لیے ایک بہترین علاج مانا جاتا ہے۔

By Sadia    |    In Health and Fitness   |    0 Comments    |    5871 Views    |    29 Apr 2021

Related Articles

Comments/Ask Question

Read Blog about لوکی کھانا سنتِ نبویﷺ ہے، لیکن اگر لوکی کا جوس بنا کر پیا جائے تو اس کے حیرت انگیز فوائد جان کر آپ بھی حیران رہ جائیں گے، جانیں لوکی کے جوس کے 5 حیرت انگیز فوائد and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (لوکی کھانا سنتِ نبویﷺ ہے، لیکن اگر لوکی کا جوس بنا کر پیا جائے تو اس کے حیرت انگیز فوائد جان کر آپ بھی حیران رہ جائیں گے، جانیں لوکی کے جوس کے 5 حیرت انگیز فوائد) and how to utilize other natural ingredients to cure diseases, easy recipes, and other information related to food from KFoods.