ہر شادی شدہ جوڑا ماں باپ بننے کے لائق نہیں۔۔ بے اولاد ثانیہ سعید کی انوکھی منطق! کیا کچھ کہہ دیا؟

Sania Saeed Says Not Every Couple Deserves Children

پاکستانی ڈرامہ انڈسٹری کی جانی مانی اداکارہ ثانیہ سعید، جو "ستارہ اور مہرالنساء" سے شہرت کی بلندیوں پر پہنچیں اور حال ہی میں ڈرامہ اے دل میں شاندار اداکاری پر داد سمیٹ چکی ہیں، حالیہ دنوں میں پروگرام گُڈ مارننگ پاکستان میں جلوہ گر ہوئیں۔

نِدا یاسر کے ساتھ گفتگو میں انہوں نے ایک نہایت حساس موضوع پر کھل کر اظہارِ خیال کیا۔ ثانیہ سعید کا کہنا تھا کہ، ہمارے معاشرے میں زیادہ تر جوڑے بچوں کی تربیت اور پرورش کے لیے ذہنی طور پر تیار ہی نہیں ہوتے۔ ہر شادی شدہ جوڑا والدین بننے کا اہل نہیں ہوتا۔ اصل سوال یہ ہونا چاہیے کہ کیا وہ جذباتی طور پر اتنے مضبوط ہیں کہ زندگی بھر بچوں کی ذمہ داری اٹھا سکیں؟

انہوں نے مزید کہا کہ صرف اس لیے کہ معاشرہ یہ چاہتا ہے، ہم جوڑے پر بوجھ ڈال دیتے ہیں کہ بچے ہونا لازمی ہیں۔ حقیقت یہ ہے کہ ایک ننھا سا بچہ بھی والدین کی برداشت کو آزما دیتا ہے۔ نوجوان والدین ڈپریشن، دباؤ اور مختلف ذہنی مسائل میں گھرے ہوئے ہیں، مائیں زچگی کے بعد کے کرب سے گزرتی ہیں اور اکثر انہیں خود اندازہ نہیں ہوتا کہ وہ کس کیفیت کا شکار ہیں۔

یہ کھری اور جرات مندانہ گفتگو سننے والوں کے دل کو چھو گئی اور ایک بار پھر ثابت کیا کہ ثانیہ سعید نہ صرف ایک شاندار اداکارہ ہیں بلکہ معاشرتی مسائل پر سنجیدہ آواز بھی اٹھاتی ہیں۔