لوہے کے برتن میں کھانا پکانے سے جسم میں آئرن کی کمی نہیں ہوتی ۔۔ جانیں لوہے کے برتنوں کو کس طرح استعمال کرنا چاہیئے؟

آئرن ہمارے جسم میں ایک اہم غذائیت ہے جو خلیوں کی نشوونما میں مدد کرتا ہے، آپ کو توانائی بخشتا ہے، اور جلد، بالوں اور مجموعی صحت کو فروغ دیتا ہے۔ غذائی اجزاء کی کمی سے چکر آنا، تھکاوٹ، نیند کی کمی اور بہت کچھ ہوتا ہے۔ یہی وجہ ہے کہ، آپ صحت کے ماہرین کو اچھی طرح سے غذائیت حاصل کرنے کے لیے اپنی غذا میں آئرن سے بھرپور غذاؤں کو شامل کرنے پر زور دیتے ہوئے پائیں گے۔

لیکن کیا آپ جانتے ہیں کھانا پکانے کے برتن بھی اس میں اتنا ہی اہم کردار ادا کرتے ہیں؟ مثال کے طور پر لوہے کے برتن لے لیں۔ مشہور ماہر غذائیت روجوتا دیویکر کے مطابق، آئرن (لوہے) کی کڑھائی میں کھانا پکانے سے آپ کا کھانا بھی آئرن سے بھرپور ہوتا ہے۔

لوہے کے برتن آپ کے جسم میں آئرن کی سطح کو بڑھانے میں کس طرح مدد کرتے ہیں؟

لوہے کے برتن قدیم زمانے سے استعمال ہوتے رہے ہیں، لیکن اب لوگ اس کے فوائد کے بارے میں زیادہ باشعور ہوئے ہیں۔ کھانے کو جب لوہے کے برتن میں گرم کیا جاتا ہے تو برتن سے کچھ لوہا کھانا جذب کرتا ہے اور اس کی خوبی کو تقویت دیتا ہے۔

جرنل آف دی امریکن ڈائیٹک ایسوسی ایشن میں شائع ہونے والی ایک تقابلی تحقیق کے مطابق، محققین نے 20 مختلف قسم کے کھانوں کو لوہے کے برتنوں میں پکانے سے پہلے اور بعد میں ان میں آئرن کی مقدار کا جائزہ لیا۔ یہ پایا گیا کہ تقریباً 90 فیصد کھانے میں لوہے کے برتنوں میں پکانے پر زیادہ آئرن ہوتا ہے۔

لوہے کے برتن استعمال کرتے وقت کن باتوں کا خیال رکھنا چاہیے؟

۔ لوہے کے برتنوں میں لیموں، سرکہ یا ایسی کوئی بھی چیز جو تیزابی نوعیت کی ہو، شامل کرنے سے کھانے کی خوبی خراب ہو سکتی ہے۔ درحقیقت، یہ کھانے میں دھاتی ذائقہ ڈال سکتا ہے۔

۔ لوہے کے برتن میں کھانا پکانے سے کھانے کی خوبیوں میں اضافہ ہوتا ہے، لیکن اسے زیادہ دیر تک اس میں رکھنے سے ساری خوبیاں ختم ہو جاتی ہیں۔ لوہے کا پین زیادہ دیر تک گرمی کو برقرار رکھتا ہے، یہی وجہ ہے کہ آپ کے گیس بند کرنے کے بعد بھی کھانا پکتا رہتا ہے۔ اور جیسا کہ ہم جانتے ہیں، زیادہ پکانے سے کھانے میں موجود اہم غذائی اجزا ختم ہوجاتی ہیں۔

۔ آئرن کوک ویئر کی صفائی کرتے وقت سخت اسکرب کے استعمال سے گریز کریں۔ یہ برتن خراب کر سکتا ہے، اور آپ کے لیے اگلے پکوان کو پکانا مشکل ہو جاتا ہے۔ بہترین طریقہ یہ ہے کہ توے پر نمک کے ساتھ کچھ بیکنگ سوڈا بھی چھڑکیں اور اچھی طرح دھو لیں۔