لال، سفید، کالے یا ۔۔ کون سا لوبیا صحت کیلیئے سب سے زیادہ فائدہ مند ہے؟

لوبیا کھانے کے ان گنت فوائد ہیں جس سے تقریباً ہر کوئی ہی واقف ہوگا۔ لوبیا کی کئی قسمیں ہوتی ہیں جیسے کہ لال، سفید، کالے اور داغ دار لوبیئے۔۔ سب کے اندر الگ الگ خصوصیت موجود ہوتی ہے، لیکن ہمارے یہاں زیادہ تر لال اور سفید لوبیئے استعمال ہوتے ہیں۔

لوبیا کے صحت سے متعلق فوائد آئے دن سامنے آتے رہتے ہیں، اور اب امریکی ماہرین اور میکسیکو کے کچھ تحقیقی اداروں نے دھبے دار لوبیئے اور سیاہ لوبیئے کی اوپری جلد اور دیگر حصوں کو لے کر ان پر تحقیق کی ہے۔

لوبیا اور ماہرین کی تحقیق

ماہرین نے کالے اور گہرے سرخ رنگ کے لوبیا لیئے اور اس پر تحقیق کی اور نتیجہ جان کر حیران رہ گئے، کیونکہ تحقیق کے دوران انہیں معلوم ہوا کہ ان میں فینولِک ایسڈ اور دیگر اہم اجزا کی غیرمعمولی مقدار موجود تھی، جو کہ جسم میں سوزش کو کم کر کے امراض قلب اور کینسر جیسی بیماریوں سے بچاتے ہیں۔

دوسری اہم بات یہ سامنے آئی کہ، دونوں اقسام کی لوبیا جسم میں فری ریڈیکلز بننے کے عمل کو روکتی ہے۔ اسکے علاوہ کالے لوبیہ میں ایک ایسا اہم کیمیکل بھی پایا گیا ہے جو اینٹی آکسیڈنٹ ہے اور اندرونی جلن کو روکتا ہے۔

ماہرین کی تحقیق میں جو تیسری بات سامنے آئی اس کے مطابق، دونوں اقسام کی لوبیا میں انسانی جلد کو تازہ اور جوان رکھنے کی خصوصیات موجود ہیں جو انسان کی بیرونی خوبصورتی کیلیئے بہت ضروری ہے۔