لوگ بھولنے کی عادت کو زیادہ سیریس نہیں لیتے نہ ہی اسکے علاج پر توجہ دیتے ہیں، جبکہ یہ ایک خطرناک بیماری ہے جو انسان کو کبھی بھی کسی بھی مصیبت میں مبتلہ کر سکتی ہے، اور اسکی ایک زندہ مثال یہ خاتون ہیں جن کے بارے میں ہم آپ کو بتانے جارہے ہیں۔
امریکی ریاست کیلیفورنیا کی ایک ماہر امراض چشم ڈاکٹر کترینہ کورٹیوا نے اپنے انسٹا گرام اکاؤنٹ پر ایک ناقابل یقین اور حیرت انگیز ویڈیو پوسٹ کی جس میں وہ ایک مریضہ کی آنکھوں کے اندر سے کانٹیکٹ لینس نکال رہی ہیں۔
ویڈیو سوشل میڈیا پر آتے ہی وائرل ہوگئی، اس میں دیکھا جاسکتا ہے کہ ڈاکٹر کس طرح روزانہ لینسز پہن کر سونے والی خاتون کی آنکھوں سے لینس نکال رہی ہے۔
رپورٹس کے مطابق خاتون روزانہ رات کو سونے سے پہلے انہیں اتارنا بھول جاتی تھی اور صبح روز نیا لینس استعمال کرتی تھی۔
ڈاکٹر نے ویڈیو کے ساتھ ایک پیغام لکھا کہ "میں نے بہت احتیاط سے تمام لینسوں کو الگ کیا جو گنتی کرنے پر 23 تھے، برائے مہربانی کانٹیکٹ لینس لگاکر کبھی بھی نہ سوئیں۔"۔ انہوں نے مزید بتایا کہ اتنے زیادہ وقت تک آنکھوں میں رہنے کی وجہ سے لینسز آنکھوں کے اندر چپک گئے تھے
ڈاکٹر کترینہ کورٹیوا کے دعوے کے مطابق انہوں نے معمر مریضہ کی آنکھوں سے کم از کم 23 پرانے کانٹیکٹ لینس نکالے جو کہ انہوں نے مہینوں یا ممکنہ طور پر سالوں پہلے لگائے اور پھر انہیں نکالنا بھول گئیں۔
اس واقعے کو دیکھ کر ایک بات ہی کہی جا سکتی ہے کہ یہ خاتون واقعی بہت خوش قسمت تھی جو اسکی آنکھوں کو نقصان نہیں پہنچا، لیکن آپ ایسی غلطی ہر گز مت کرئیے گا کیونکہ ہر کوئی لَکی نہیں ہوتا۔