لڑکی نے موبائل نگل لیا اور پھر۔۔ کم وقت میں لڑکی کی جان ڈاکٹروں نے کس طرح بچائی؟ انوکھا واقعہ

بھارت میں 15 سالہ لڑکی نے موبائل فون نگل لیا۔ لڑکی کا فوری طور پر آپریشن کیا گیا اور خوش قسمتی سے اس کی جان بروقت بچا لی گئی۔ عجیب و غریب واقعہ بھارت کی ریاست مدھیا پردیش کے ضلع بھند میں پیش آیا جہاں لڑکی نے غصے میں موبائل فون ہی نگل لیا۔

موبائل کھانے کے کچھ ہی دیر بعد لڑکی کی حالت غیر ہوئی اور خون کی الٹیاں ہونے لگیں جس پر گھر والوں نے ایمرجنسی میں ہسپتال منتقل کیا جہاں ڈاکٹروں نے ایکسرے کے بعد بتایا کہ موبائل بچی کے پیٹ میں اٹک گیا ہے اور اگر فوراً آپریشن نہ کیا گیا تو جان کو خطرہ ہوسکتا ہے۔

معدے کے سرجن نے فوری 5 ڈاکٹروں پر مشتمل ایک ٹیم بنائی جس نے لڑکی کے پیٹ میں سے موبائل فون نکال کر اس کو زندہ بچانے کے لیے بھرپور کوششیں کیں اور ایک گھنٹے کی طویل محنت سے کامیاب رہے۔۔

واقعے کی مزید تفتیش کی جا رہی ہے، پولیس نے جب گھر والوں سے لڑکی کے ایسا کرنے کی وجہ معلوم کرنے کی کوشش کی تو اہلِ خانہ کا کہنا تھا کہ لڑکی کو موبائل کسی دوست نے تحفے میں دیا تھا جس کے بارے میں گھر والوں کو علم نہ تھا، لیکن جب موبائل کا راز کھلا تو اس کو چھپانے کی خاطر یہ قدم اٹھایا گیا۔