پیروں سے سموسے کے آلو کچلنے والا مشہور ریسٹورینٹ ۔۔ سموسے کھانے کے شوقین افراد کو یہ ویڈیو غصے میں مبتلا کردے گی

آلو کا سموسا وہ غذا ہے جو ہر شخص بہت شوق سے کھاتا ہے۔ یہ پاکستان سمیت بھارت میں بھی بہت مقبول چیز ہے جس کے لوگ دیوانے ہوتے ہیں۔ مگر انہیں کس طرح تیار کیا جاتا ہے اگر وہ ویڈیو آپ لوگ دیکھ لیں تو شاید دوبارہ آپ سموسے کو ہاتھ بھی نہ لگائیں۔

بھارت کے ایک مشہور ریسٹوریٹ میں پیروں سے آلو کچل کر سموسے بنانے کی الجھا دینے والی وائرل ویڈیو سوشل میڈیا پر وائرل ہو رہی ہے۔

پڑوسی ملک میں آلو کے سموسے کس طرح گندے اور غیر صحتمند طریقے اور بے احتیاطی سے تیار کیے جاتے ہیں اس کی ایک ویڈیو سوشل میڈیا پر وائرل ہوگئی ہے جس کو دیکھ کر عوام میں شدید غم وغصہ کا اظہار کر رہی ہے۔

مذکورہ مبینہ ویڈیو بھارتی ریاست مدھیہ پردیش کے پنا ضلع کے اجے گڑھ علاقے کے مشہور چٹوری چتکارہ ریستوران کی ہے جہاں ایک ملازم کو سموسوں میں بھرنے والے آلوؤں کو پیروں سے کچلتے ہوئے دیکھا جا سکتا ہے۔ ان آلوؤں کو بعد میں سموسوں میں بھر کر گاہکوں کو کھانے کے لیے پیش کیا جاتا ہے۔

بھارتی میڈیا رپورٹ کے مطابق ویڈیو وائرل ہونے کے بعد ریاست کا فوڈ سیفٹی ڈیپارٹمنٹ حرکت میں آیا اور حکام کو ہوٹل سے کھانے پینے کی اشیا کے نمونے لینے کے ساتھ ساتھ آلو پر مشتمل کھانے والے کی طرف سے تیار کردہ تمام تلف کرنے کی ہدایت کر دی ہے۔

پنا ضلع فوڈ انسپکٹر راجیش کمار رائے نے کہا کہ محکمہ نے معاملے کی تحقیقات شروع کر دی ہے اور سخت کارروائی کی جائے گی۔