یہ لوگ سب کے آگے جھک جاتے ہیں۔۔ گلوکارہ تحسین سکینہ کو عابدہ پروین کے پاؤں چھونا مہنگا پڑگیا! صارفین شدید غصہ

Tahseen Sakina Meet Abida Parveen

عابدہ پروین، وہ نام جو صوفی موسیقی کی روحانی گہرائیوں کا استعارہ بن چکا ہے۔ ان کا انداز، ان کی آواز اور ان کا سادہ مگر باوقار طرزِ زندگی لاکھوں دلوں کو چھو چکا ہے۔ یار کو ہم نے جا بجا دیکھا، جیسے کلام آج بھی روح کی گہرائیوں کو جگا دیتے ہیں۔

حال ہی میں ایک منظر سوشل میڈیا پر وائرل ہوا جس نے عوام کو دو حصوں میں بانٹ دیا۔ ابھرتی ہوئی گلوکارہ تحسین سکینہ نے اپنی پسندیدہ صوفی فنکارہ عابدہ پروین سے ملاقات کی، اور جذبات سے مغلوب ہو کر ادب کے طور پر ان کے قدم چھونے کی اجازت طلب کی۔ اجازت ملنے پر وہ جھک کر ان کے قدم چھو بیٹھی، جس کے جواب میں عابدہ پروین نے انہیں گلے لگایا اور دعا دی خوش رہو۔

جہاں کچھ صارفین نے اس لمحے کو عقیدت اور محبت کی علامت قرار دیا، وہیں کئی افراد نے سخت ردعمل دیا۔ سوشل میڈیا پر بعض لوگوں نے اسے 'شرک' سے تعبیر کیا اور کہا کہ، 'سجدہ صرف اللہ کے لیے ہے'۔ کسی نے طنز کیا، 'پاکستانی قوم دوسروں کے قدموں میں بیٹھنے کی عادی ہے'۔ ایک اور صارف نے لکھا، 'عابدہ پروین بلاشبہ عظیم فنکارہ ہیں، مگر اس طرح جھکنا قابل قبول نہیں'۔

یہ واقعہ نہ صرف روحانی عقیدت اور فنکارانہ احترام کے درمیان حد بندی کا سوال اٹھاتا ہے، بلکہ سوشل میڈیا پر جاری اس بحث نے یہ بھی واضح کیا کہ فن، عقیدہ اور جذبات جب ٹکراتے ہیں تو معاشرتی ردعمل کتنا متنوع ہو سکتا ہے۔