موسم گرما کی پسندیدہ سبزی بھنڈی کے فوائد جانیں اور بنائیں صحت سے بھرپور مزیدار بھنڈی

بھنڈی ایک ایسی سبزی ہے جس کا استعمال ہمارے گھروں میں بہت عام ہے لیکن اس کی افادیت سے بہت کم لوگ ہی واقف ہیں اور اس کا صحیح استعمال بھی نہیں جانتے، لیکن آج ہم آپ کو بتائیں گے بھنڈی کے حیرت انگیز فوائد تاکہ آپ گزاریں بھرپور صحت بھری زندگی۔

بھنڈی کی غذائیت

بھنڈی کی غذائیت کا اندازہ اس بات سے لگایا جا سکتا ہے کہ ایک کپ بھنڈی میں 100 گرام غذائی اجزاء موجود ہوتے ہیں، بھنڈی میں وٹامن اے، سی، کے اور بی 6 پائے جاتے ہیں تاہم سی اور کے کی مقدار بہت زیادہ ہوتی ہے اس کے علاوہ کیلوریز کی مقدار بھی زیادہ پائی جاتی ہے اس لئے یہ کہنا غلط نہیں کہ بھنڈی غذائیت بھری تجوری کی چابی ہے۔

بھنڈی کے صحت پر فوائد

کولیسٹرول میں کمی

بھنڈی میں کولیسٹرول نہیں ہوتا اس لئے بھنڈی کھانے سے دل کی بیماریوں میں فوائد حاصل ہوتے ہیں، بھنڈی کے استعمال سے دل کی بیماریوں سے بچا جا سکتا ہے۔

ذیابطیس میں کمی

2 سے 3 عدد بھنڈی کو پانی میں رات بھر بھگو کر پینے سے ذیابطیس میں کمی آتی ہے یہ ایک آزمودہ نسخہ ہے بھنڈی کا استعمال جسم میں شوگر لیول کو متوازن رکھتا ہے۔

دمہ سے بچاؤ

بھنڈی کا استعمال دمہ کے مریضوں کے لئے دوا جیسا ہے بھنڈی کا مستقل استعمال دمے سے محفوظ رکھتا ہے۔

کینسر سے بچاؤ

بھنڈی ایک مگر فائدے ہیں سو بھنڈی کے استعمال سے چھاتی کے کینسر سے بچا جا سکتا ہے، اس میں لیکٹن نامی ایسی غذائی اجزاء ہوتا ہے جو چھاتی کا کینسر بنانے والے 72 فیصد خلیات کو ختم کرتا ہے۔

ذہنی دباؤ سے نجات

بھنڈی کے بیج اور پتوں میں فلیونوائڈ اور فینول موجود ہوتے ہیں اور بھنڈی کے بیج اور پتوں کو ذہنی دباؤ سے نجات دلانے والی ادویات میں استعمال کیا جاتا ہے، اس سے یہ بات واضح ہوتی ہے کہ بھنڈی کے استعمال سے کئی بیماریوں سے تحفظ کے ساتھ ساتھ ذہنی دباؤ کم کرنے اور اس سے نجات پانے میں بھی مدد ملتی ہے۔