عام طور پر گھر میں کھانا پکانے میں استعمال ہونے والا لہسن کئی صحت کے مسائل کا بھی خاتمہ کرتا ہے۔ لہسن کو صدیوں سے قدرتی ادویات کی تیاری کے لیے استعمال کیا جارہا ہے اور اس کے ایک ٹکڑے کو مختلف مقاصد کے لیے استعمال کیا جاسکتا ہے۔
لہسن کے چند فوائد درج ذیل ہیں۔
نزلہ زکام اور کھانسی میں لہسن کو سونگھنے سے بندناک کھلتا ہے۔
لہسن کوجلا کر شہد میں ملا کر چاٹنے سے بلغم کے اخراج میں مدد ملتی ہے۔
لہسن کو کچا کھانے سے بلند فشار خون میں کمی واقع ہوتی ہے۔
لہسن کو دانت پر رگڑنے سے دانت کے دردمیں کافی حدتک کمی آتی ہے۔
لہسن کو کاٹ کر سر پر رگڑنے سے بالوں کے گرنے کا مسئلہ حل ہوتا ہے۔
بلڈ پریشر کو قابو میں رکھنے میں معاون
لہسن میں موجود جادوئی کیمیکلز بلڈ پریشر قابو میں رکھنے میں اہم کردار ادا کرتے ہیں۔ ماہرین کہتے ہیں کہ بلڈ پریشر کم کرنےکے لیے روزانہ دیسی لہسن کے چار جوے چباکر کھائیں۔
دوسری اہم بات یہ بھی ہے کہ لہسن کا باقاعدہ استعمال کولیسٹرول کے جن کو بھی اپنی حد میں رکھتا ہے۔