5 Gharelu Ashiya Ka Nayab Istamal

کھانے کی پانچ چیزوں کا نایاب استعمال
کھانے کی بہت ایسی چیزیں ہیں جو گھریلو اشیاء کی صفائی کے لئے بھی بے مثال ہیں ۔ ویسے تو ہم کیچپ چیزوں کے ساتھ کھانے کے لئے استعمال کرتے ہیں لیکن کیا آپ کو معلوم ہے کہ ہم ٹماٹو کیچپ سے تانبے کی اشیاء بھی چمکا سکتے ہیں ؟ یہ بات سننے میں عجیب ضرور لگے گی لیکن یہ حقیقت ہے کہ صرف ٹماٹو کیچپ ہی نہیں لبکہ کھانے کی بہت ایسی چیزیں ہیں جو گھریلو اشیاء کی صفائی کے لئے بھی بے مثال ہیں ۔

کیلے کے چھلکے چاندی کو پالش کرنے کے لئے بہترین : کیلے صحت کے لئے بہترین ہیں تو اس کے چھلکے بھی بہت کام کے ہیں انہیں ضائع نہ کریں ۔ اگر آپ کے چاندی کے برتنوں پر کسی وجہ سے زنگ لگ رہا ہے تو کیلے کے چھلکوں کو ان برتنوں کے زنگ زدہ حصوں پر رگڑیں ۔ چند ہی منٹوں میں برتن کی چمک دمک آپ کو حیران کردے گی ۔

کھیرے کے چھلکے سے نشانات مٹائیں :
کھیرے کے چھلکے صفائی کے لئے بہتر ین چیز ہیں ۔ اس کے چھلکوں کے ذریعے میز کی اُوپری سطح اور دیواروں پر لگے داغوں کو صاف کیا جا سکتا ہے اتنا ہی نہیں بلکہ اگر آپ باتھ روم میں لگے شیشے کو دھندلاہٹ سے بچانا چاہتے ہیں تو بس ان پر کھیرے کے چھلکے رگڑ دیں اور پھر کمال دیکھیں ۔

اپنے تانبے کے برتنوں کو کیچپ سے جگمگائیں :
تانبے کے برتنوں کو چمکانے کے لئے کپڑے میں ٹماٹو کیچپ لگالیں ۔ تانبے کے برتنوں کو اس کپڑے میں لپیٹ کر ایک گھنٹے کے لئے چھوڑدیں ۔ ٹماٹو کیچپ میں موجود تیزابیت تانبے میں لگے زنگ کو صاف کرکے انہیں بالکل نیا جیسا بنا دے گی ۔

سیخوں کی صفائی کے لئے پیاز بہترین :
جو لوگ گھر میں باربی کیو بناتے ہیں ان کے لئے سیخوں یا سلاخوں والی انگیٹھی کی صفائی بہت بڑا مسئلہ ہوتا ہے لیکن اس مسئلے کا ایک انتہائی آسان حل موجود ہے ۔ انگیٹھی کو گرم کریں اور پھر ایک بڑے سے کانٹے میں پیاز کو پھنسا کر اس سے سلاخوں کی صفائی کریں ۔

اخروٹ سے لکڑی کے فرنیچر کی خراشیں دور کریں :
اخروٹ کی گری کھانے تو مزے دار ہوتی ہی ہے لیکن اس کاایک اور دلچسپ استعمال یہ ہے کہ اسے لکڑی کے فرنیچر کی خراشوں پر رگڑیں ، پھر خراشوں کے اوپر پانچ منٹ تک اپنی انگلی پھیریں تاکہ اخروٹ سے نکلنے والا تیل اس میں داخل ہو سکے ، آخر میں ایک نرم کپڑے کو اس جگہ پر رگڑیں ، انتہائی حیرت انگیز طور پر لکڑی کا وہ حصہ خراش سے بالکل پاک ہو جائے گا۔

Tags: Furniture Cleaning Tips in Urdu Housecleaning Tips Household Cleaning Tips