کسی نے زخمی بلی کی مدد کی اور کسی نے غریب کو 1 روپیہ تک نہ دیا۔۔ مشہور شخصیات کی کنجوسی اور رحمدلی کی ویڈیوز وائرل

سڑک پر ہم اکثر ہی زخمی بلیاں اور کتے دیکھتے ہیں اور افسوس کرتے گزر جاتے ہیں لیکن کچھ ایسے حساس لوگ بھی ہوتے ہیں جو ان معصوم جانوروں کا درد محسوس کر کے ان کی فوری مدد بھی کرتے ہیں۔ مشہور اداکار احسن خان بھی ان میں سے ایک ہیں۔ویڈیو دیکھیں

ویڈیو میں دیکھا جاسکتا ہے کہ سڑک پر سیاہ بلی کو دیکھ کر احسن خان اپنی گاڑی سے اترتے ہیں اور بلی کے بچے کو گود میں اٹھا لیتے ہیں۔ آس پاس کے لوگوں سے سوال بھی کرتے ہیں کہ کیا یہ بلی کا بچہ کسی کا پالتو ہے؟ پھر وہ کیمرہ بند کرنے کی درخواست کرتے ہوئے گاڑی کی طرف چلے جاتے ہیں۔

سوشل میڈیا صارفین کے دل جیت لئے

دوسرے منظر میں احسن روئی کی مدد سے بلی کو طبی امداد دیتے ہوئے نظر آرہے ہیں۔ سوشل میڈیا پر احسن خان کی یہ ویڈیو تیزی سے وائرل ہورہی ہے اور لوگ ایک بے زبان جانور کی مدد کرنے پر انھیں خوب سراہ رہے ہیں۔

ہونا تو یہی چاہئے کہ جب اوپر والا انسان کو کسی نعمت سے نوازے تو وہ اس کے بندوں کا حصہ بھی اس نعمت میں ضرور رکھے مگر کچھ لوگ ایسا نہیں کرتے۔ ایسا ہی کچھ بھارت کی معروف اداکارہ کاجول کے ساتھ ہوا جو غریب بچوں کی مدد نہ کرنے پر کڑی تنقید کا نشانہ بن بیٹھیں۔ ویڈیو دیکھیں

اس ویڈیو میں اداکارہ ایک شاپنگ مال سے نکلتی دکھائی دے رہی ہیں اسی دوران ایک غریب بچی کاجول کے قریب آتی ہے اور پیسے مانگنے لگتی ہے۔ کاجول بچی کے سر پر ہاتھ پھیرتی ہیں اسے مسکرا کر دیکھتی ہیں اور آگے بڑھ جاتی ہیں۔ گاڑی میں بیٹھ کر بچی کو کچھ دیتی ہیں۔ اسی دوران ایک اور بچہ آجاتا ہے اور کچھ مانگنے لگتا ہے مگر کاجول اسے نظر انداز کر کے صرف مسکرانے پر اکتفا کرتی ہیں۔

کیا یہ بچوں کو سو، پچاس روپے بھی نہیں دے سکتی تھیں؟

سوشل میڈیا پر یہ ویڈیو تیزی سے وائرل ہورہی ہے اور لوگ کاجول کو ان کے سرد رویے پر کافی تنقید کا نشانہ بنا رہے ہیں۔ صارفین کا کہنا ہے کہ کاجول اتنی امیر ہیں ان کو معصوم بچوں کی مدد کردینی چاہیے تھی۔ کیا وہ بچوں کو 100، 50 روپے بھی نہیں دے سکتی تھیں؟ جب کہ کچھ لوگوں کا یہ بھی کہنا ہے کہ مانگنے والے بچوں کو پیسے دینا ان کی عادت خراب کردیتا ہے اور وہ کبھی بھی محنت کر کے کمانے پر توجہ نہیں دیتے۔