ڈبل چن کو سرجری کے بغیر کیسے ختم کریں؟ حکیم رضا الہٰی نے بتایا فیٹ کٹر میجیکل پیسٹ جو ڈبل چن کا مسئلہ حل کردے مفت میں

وزن کم کرنے کے خواہش مند افراد اکثر کچھ خاص جگہوں پر جمع ہونے والی چربی کو لے کر زیادہ فکر مند رہتے ہیں جن میں سب سے اہم اور قابل ذکر تھوڑی کے نیچے جمع ہونے والے فیٹی ٹشوز ہیں جنھیں دہری تھوڑی یا ڈبل چن بھی کہتے ہیں ۔ بعض اوقات دوہری تھوڑی یا ڈبل چن کا مسئلہ محض زیادہ وزن ہونے کی وجہ سے نہیں بلکہ ایجنگ یعنی عمر بڑھنے کے باعث بھی ہوسکتا ہے ۔ تھوڑی کے نیچے موجود پٹھا جسے مسکیولس مائلو ہائیڈس کہتے ہیں لچک کھو دیتا ہے اور لٹکنے لگتا ہے۔ اس کے صحت پر تو کوئی منفی اثرات نہیں پڑتے لیکن یہ دیکھنے میں بدنمالگتی ہے اور اکثر افراد اس کی وجہ سے خود اعتمادی میں کمی محسوس کرتے ہیں ۔ اسے چھپانے کے لیے کئی لوگ خصوصاً خواتین مفلر یا کاسمیٹکس کا سہارا لیتی ہیں لیکن یہ اس مسئلے کا محض وقتی حل ہوتا ہے ۔ اسکے علاوہ اس سے نجا ت پانے کے لیے سرجری بھی کرائی جاتی ہے لیکن یہ ایک انتہائی تکلیف دہ اور مہنگا طریقہ ہے ۔

حکیم رضا الہیٰ ڈبل چن کو کنٹرول کرنے کے لیے ایک بہترین پیسٹ بتاتے ہیں، وہ کہتے ہیں کہ ہم وزن میتھی، کڑوا کریلا، کیسٹر آئل، لال نمک اور ملتانی مٹی کو اچھی طرح مکس کرکے ایک پیسٹ تیار کرلیں اور روزانہ دن میں 2 مرتبہ اپنی چن پر لگا کر چھوڑ دیں اور خُشک ہونے پر الٹے ہاتھ کی طرف سے مساج کرنا شروع کردیں۔ میتھی اور کریلے دونوں ہی لٹکے ہوئے اور اضافی گوشت کو کنٹرول کرنے میں مدد دیں گے۔