کیا! گول گپے کھانے سے بھی وزن کم ہوتا ہے؟ گول گپوں کے پانی میں چھپے وہ راز جو خواتین نہیں جانتی ہیں

گول گپوں کا نام سنتے ہی منہ میں پانی آجاتا ہے، یہ تقریباً ہر کسی کو ہی پسند ہوتے ہیں پھر چاہے مرد ہو یا عورت۔ لیکن اسے شوق سے کھانے والوں کی تعداد میں زیادہ تر خواتین شامل ہیں۔ ہم بچپن سے سنتے آرہے ہیں کہ گول گپے کھانے سے گلا خراب ہوجاتا ہے، منہ میں چھالے آجاتے ہیں یا پھر پیٹ میں گڑبڑ ہوجاتی ہے پر ان باتوں میں کتنی سچائی ہے یہ جاننا ضروری ہے۔

اگر کوئی آپ سے کہے کہ گول گپے کا پانی آپ کے وزن میں کمی کا باعث بن سکتا ہے تو یقیناً آپ حیران ہوجائیں گی کہ یہ کیسے ممکن ہے؟ تو آئیے آج آپ کو بتاتے ہیں گول گپے کے فائدے

گول گپوں کا پانی در حقیقت بہت سارے مصالحوں سے مل کر بنتا ہے جو ہاضمہ ٹھیک کرنے میں مدد کرتا ہے۔

وزن میں کمی:

گول گپوں کے چٹ پٹے پانی کو اگر ٹھیک طرح سے بنایا جائے تو اس سے وزن کم ہوسکتا ہے، جیسے کہ اگر اس میں میٹھا نہ ہو اور پودینہ، ہینگ، لیموں اور کچا آم ملا ہوا ہو تو یہ سب مل کر آپ کے موٹاپے کو بڑھنے سے روکتا ہے، ساتھ میں ٹماٹر نہ ڈالیں تو بہتر ہے۔ اسکے علاوہ گول گپ کو آٹے سے بنا کر کم فرائی کیا جائے تو یہ اچھا رہتا ہے۔

منہ کے چھالے:

آپ نے سنا ہوگا کہ اکثر بڑے بوڑھے منہ کے چھالوں کیلیئے تیکھا کھانے کا مشورہ دیتے ہیں، جی ہاں اس سے منہ کے چھالے ٹھیک ہوتے ہیں۔ گول گپے کے پانی میں دراصل زیرہ، ادرک، کالی مرچ، کالا نمک، پودینہ اور املی ہوتی ہے، اس کا تیکھا اور کھٹا پن پیٹ صاف کرنے کے ساتھ ساتھ منہ کے چھالوں کا پانی نکال کر اسے سُکھا دیتا ہے۔ ضرورت سے زیادہ نہ کھائے جائیں۔

گول گپے کھانے کا بہترین وقت:

گول گپے کھانے کیلیئے دوپہر کا وقت سب سے بہترین اور فائدہ مند ہوتا ہے، شام میں کھانے سے وزن بڑھنے کا خطرہ ہوسکتا ہے۔ ورزش سے پہلے اور بعد میں کھانا نقصان پہنچا سکتا ہے، اسکے علاوہ اس میں آلو ڈالنے کے بجائے مونگ یا چنے ڈال کر کھائیں۔