Qurbani Ke Janwar Ke Ahkam

Qurbani Ka Janwar Kesa Ho

قربانی کے جانوروں کی خریداری کا مرحلہ :
رسول اللہ ﷺنے ارشاد فرمایا :
ان جانوروں کی قربانی سے بچاجائے :
۱۔ایسا لنگڑا جانور جس کا لنگڑا پن بالکل عیاں ہو۔
۲۔ ایسا کانا جانور جس کا کانا پن واضح ہو۔
۳۔ ایسا بیمار جانور جس کی بیماری ظاہر ہو۔
۴۔ ایسا لاغر و کمزور جانور جس کی ہڈیوں میں گودا بالکل نہ ہو (ترمذی 1497)

جانوروں میں خطرنا ک عیوب :
درج ذیل جانوروں کی قربانی درست نہیں :
۱۔ سینگوں کا جڑ سے اُکھڑا ہوا جانور۔
۲۔ اندھا، کانایالنگڑا جانور۔
۳۔ پیدائشی طور پر بالکل کان کٹا یا تہائی (1/3)سے زیادہ کان یا دُم کٹا جانور۔
۴۔ ایسی بیماری یا کمزوری کہ جانور قربانی کی جگہ تک چل نہ جا سکے۔
۵۔ دانتوں کا بالکل نہ ہونا یا اتنے کم ہونا کہ جانور گھاس بھی نہ کھاسکے ۔
۶۔ اس حک تک پاگل پن کہ جانور چارہ وغیرہ بھی نہ چرسکے۔


قربانی کے جانوروں کی تفصیل :
چھوٹے جانور :
بھیڑ ، دُنبہ ، بکرا، بکری
۱۔ان کی عمر کم از کم ایک سال ہونی چاہیے ۔
۲۔ البتہ اگر 6ماہ کا دنبہ جسامت میں ایک سال کا لگے تو اس کی قربانی بھی جائز ہے ۔
۳۔ ان کی قربانی صرف ایک آدمی کی طرف سے ہو سکتی ہے ۔

بڑے جانور :
گائے ، بیل ، بھینس
۱۔ ان کی عمر کم از کم دوسال ہونی چاہیے ۔
۲۔ ان کی قربانی میں زیادہ سے زیادہ سات افراد شریک ہو سکتے ہیں ۔

اونٹ :
۱۔ اس کی عمر کم از کم پانچ سال ہونی چاہیے
۲۔ اس کی قربانی میں بھی سات افراد شریک ہو سکتے ہیں ۔
(شرکاء میں کسی ایک کی آمدنی بھی حرام ہو یا محض گوشت کھانے کی نیت ہوتو دیگر شرکاء کی قربانی بھی درست نہ ہوگی )
درج بالا جانوروں کے علاوہ دیگر حلال جانوروں (مثلاً : نیل گائے اور ہرن وغیرہ ) کی قربانی درست نہیں ۔