Garmi Main Paseeny Ki Boo

گرمی میں پسینےکی بو سے مکمل نجات
گرمی کا موسم آگیا اور یہ موسم جب گرمی اپنے جوبن پر ہے ، ہر شخص اس کی شدت سے پریشان ہے ۔ ایسے میں سب سے زیادہ تکلیف دہ چیزپسینے سے پیدا ہونے والی ناگوار بو ہے ، ایسے میں لوگوں کا ایک دوسرے کو برداشت کرنا بہت مشکل نظر آتا ہے ۔ پسینے کی بو سے بچنے کے لئے لوگ دن میں کئی کئی بار نہاتے بھی ہیں ، لیکن جو لوگ دفاتر کو جانے والے ہیں ان کے لیے یہ خاصی پریشان کن صورتحال ہوجاتی ہے ۔

جو خواتین باہر نکلتی ہیں وہ بھی اس سیچویشن سے نمٹنے کے لئے اپنے پاس باڈی اسپرے یا پرفیومز رکھتی ہیں ، اس کے لئے بھی آپ کو باڈی اسپرے ایسا استعمال کرنا ہوگا جس کی خوشگوار اور بھینی بھینی خوشبو دن بھر آپ کے ساتھ رہے ، چیختی چنگھاڑتی خوشبو گرمی میں تکلیف دہ ہوجاتی ہے ، اس لیے خوشبو ایسی استعمال کریں جس سے آپ کے اطراف کا ماحول مہک اُٹھے ۔

گرمی کی شدت کو کم کرنا ہمارے بس میں نہیں لیکن اس کے مضر اثرات سے بچنے کے لیے ہم کچھ اقدامات ضرور کرسکتے ہیں ، اس کے لئے ہم آپ کو کچھ گھریلو ٹوٹکے بتاتے ہیں جو آپ کو گرمی میں پسینے کی ناخوشگوار بُو سے بچاسکتے ہیں ۔

۱۔ بیکنگ سوڈا اور کلف پاؤڈر ( کارن اسٹارچ) ملا کر ان جگہوں پر چھڑکیں جہاں پسینہ زیادہ آتا ہے ، یہ دونوں پاؤڈر نمی جذب کرلیتے ہیں ، جس کی وجہ سے بو پیدا نہیں ہوتی، اس کے علاوہ بیکنگ سوڈا پسینے سے پیدا ہونے والے جراثیم کا خاتمہ کرتا ہے ۔

۲۔ ٹی ٹری آئل کو ان جگہوں پر لگائیں جہاں جہاں آپ کو زیادہ پسینہ آتا ہے اگر یہ آپ کی جلد کو موافق آتا ہے ، یہ جراثیم کو ختم کرکے بھینی بھینی خوشبو پیدا کرتاہے ۔

۳۔ ایک کھانے کا چمچ بیکنگ سوڈا اور ایک کھانے کا چمچ لیموں کا رس ملا کر اپنے بغلوں پر لگائیں ایک دو منٹ خشک ہونے دیں پھر پانی سے دھولیں ۔

۴۔ ایک کاٹن بال کو سیب کے سرکہ میں بھگوئیں اور اپنے بغلوں پر لگائیں ، دو سے تین منٹ انتظار کریں ، پھر شاور لے لیں ، یہ دن میں دو دفعہ کریں ایک دفعہ صبح اور ایک دفعہ رات کو سونے سے پہلے یہ عمل کرنے سے آپ کو خود فرق ظاہر ہوجائے گا۔

۵۔ ایک لیموں لیں اس کو دو حصوں میں تقسیم کریں ایک حصہ اپنے زیر بازرو رگڑیں ، اس طرح کہ وہ رس آپ کی جلد پر لگے پھر اس کو کچھ دیرخشک ہونے دیں ، اس کے بعد نہالیں ۔ دن میں ایک دفعہ یہ عمل کریں ، کچھ دن میں یہ بو بالکل ختم ہوجائے گی ۔

۶۔ روزمیری (جڑی بوٹی) کے خشک پتے ڈیڑھ کپ لے کر اس کو چار کپ گرم پانی میں دس منٹ تک بھگوئیں ۔ پھر اس کو اپنے نہانے کے پانی میں ملالیں ۔ا ب اس پانی سے پندرہ سے بیس منٹ نہائیں یا اگر باتھ ٹب ہے تو اس میں پندرہ سے بیس منٹ اس پانی میں رہیں ۔ پھر اپنا جسم خشک کرلیں ، یہ عمل اگر روزانہ ایک دفعہ کرلیں تو روز میری کی مہک سارا دن آپ کے ساتھ رہے گی ۔ یہ کچھ ایسے ٹوٹکے ہیں جو آپ کو اس مسئلے سے مستقل نجات دلاسکتے ہیں جبکہ پرفیوم کا استعمال وقتی طور پر کیا جاسکتا ہے ، لیکن اہم یہ ہے کہ آپ کسی بھی موسم میں کس قسم کا پرفیوم یا باڈی اسپرے استعمال کررہے ہیں ، کیونکہ آپ کی شخصیت کو ابھانے یا اس کو گرانے میں خوشبو کی بہت اہمیت ہوتی ہے اس لئے اس کا استعمال ذرا سوچ کر کریں۔

How to reduce sweat smell? It is a common question we keep thinking of in summers. Hot summer weather keeps us wet with sweat flowing from forehead down the face, in underarms and on the neck and back. Everyone of us looks to escape the anxiety and intensity of hot summer weather.

In summers, the most annoying thing is the smell of sweat. We have to live and work with other people and when there is a sharp sweat smell, it become difficult to tolerate the situation.

People even take several baths in a single day just to avoid the smell but those who go to offices, it is impossible to take bath and avoid the smell. Here are some easy tips to reduce sweat smell in summertime.

Tags: Body Odour Treatment Reduce Sweat Smell Underarms Pasine Ka Ilaj