خوشی ماتم میں تبدیل ۔۔ خاتون کے ایک ساتھ 6 بچے کیسے انتقال کر گئے؟ ماں غم سے نڈھال

سندھ کے شہر حیدرآباد میں ایک خاتون نے منگل کے روز قبل از وقت چھ بچوں کو جنم دیا، جس میں سے صرف ایک رات تک زندہ بچا۔

میڈیا رپورٹ کے مطابق، خاتون نے ایک فلاحی ادارے خدمت خلق فاؤنڈیشن کے زیر انتظام اسپتال میں تین لڑکیوں اور تین لڑکوں کو جنم دیا۔

دریں اثنا، سہولت کے ایڈیشنل میڈیکل سپرنٹنڈنٹ ڈاکٹر طارق فیروز میمن نے میڈیا کو بتایا کہ ، ماں کو حمل کے 21ویں ہفتے میں درد ہوا۔

ڈاکٹر نے مزید کہا کہ شیر خوار بچے پیدائشی طور پر کم وزن کے ساتھ پیدا ہوئے تھے، جس کی وضاحت عالمی ادارہ صحت نے 5.5 پاؤنڈ سے کم وزن کے طور پر کی ہے۔

ڈاکٹر نے کہا کہ جو بچے عام طور پر زندہ رہتے ہیں، اس طرح کے معاملات میں، حمل کے 37 سے 38 ہفتوں کے بعد پیدا ہوتے ہیں۔ انہوں نے کہا کہ ہم نے ماں کے پانچ بچے کھوئے۔

انہوں نے مزید کہا کہ بچوں میں سے ایک نے رحم کے اندر جنین کی موت کا تجربہ کیا، جو مردہ پیدائش کے لیے ایک طبی اصطلاح ہے۔ باقی چار شیر خوار بچے، ابتدائیی سانس میں خرابی (ہانپنے) کی وجہ سے دو سے تین گھنٹے کے اندر اندر انتقال کر گئے۔

ڈاکٹر میمن نے بتایا تھا کہ صرف ایک بچی زندہ رہنے میں کامیاب ہوئی ہے، حالانکہ اس کی حالت تشویشناک ہے۔

لیکن اب خاتون کے ہاں پیدا ہونے والی چھٹی بچی بھی انتقال کر گئی ہے۔

ایک ساتھ 6 بچوں کی پیدائش کے باوجود ایک بھی بچہ نہ بچ پانے کے غم سے ماں نڈھال ہے۔ دنیا کی کسی بھی ماں کیلیئے اس سے بڑا دکھ اور کوئی نہیں ہوسکتا، خاص کر ایک ساتھ سارے بچے کھونے کا دکھ۔

اللّٰہ یہ دن کسی ماں کو نہ دکھائے۔۔ آمین!