کدو کے بیج جتنے مزیدار ہوتے ہیں اتنے ہی غذائیت سے بھی بھرپور ہوتے ہیں چاہے کدو کی سبزی کسی کو پسند ہو نہ ہو مگر اس کے خستہ اور ذائقے دار بیج سب کو پسند ہوتے ہیں یہ قیمتی غذائی اجزاء سے بھرپور ہوتے ہیں اور اس کی ایک مٹھی کا استعمال آپ کو بھرپور غذائیت فراہم کر سکتا ہے۔
کدو کے بیجوں میں کون کون سے غذائی اجزاء پائے جاتے ہیں اور یہ ہماری صحت پر کیا حیرت انگیز اثر کرتے ہیں آیئے ہم آپ کو بتاتے ہیں تاکہ آپ بھی کریں اسے اپنی روزانہ کی غذا میں شامل۔
• کدو کے بیجوں میں موجود غذائیت
کدو کی بیجوں میں زِنک، میگنیشیم، اینٹی آکسیڈینٹس، فیٹی ایسڈ، وٹامن بی 2 اور فولیٹ وافر مقدار میں موجود ہوتے ہیں، جو آپ کو ذیابیطس، ہائی بلڈ پریشر اور کولیسٹرول جیسی بیماریوں سے لڑنے میں مدد دیتے ہیں۔
ان میں پروٹین کی بھی ایک بڑی مقدار موجود ہوتی ہے ان بیجوں کے استعمال سے آپ کی نیند کی کمی پوری ہو سکتی ہے اس سے آپ کا میٹابولزم بڑھ سکتا ہے ساتھ ہی یہ موسمی فلو وغیرہ سے نجات دلانے کے لئے بھی مفید ہے آیئے آپ کو کدو کے بیج میں چھپے مزید فوائد سے آگاہ کرتے ہیں۔
• گٹھیا کا علاج
کدو کے بیج اومیگا تھری اور اومیگا 6 جیسے فیٹی ایسڈز سے بھرپور ہوتے ہیں جو کہ نہ آپ کو گھٹیا کے درد سے نجات دلاتے ہیں بلکہ جوڑوں کے درد میں مبتلا ہونے سے بچاتے ہیں۔
• وزن میں کمی
کدو کے بیج پروٹین حاصل کرنے کا مؤثر زریعہ ہیں یہ بھوک کے احساس کو مٹاتے ہیں جس سے آپ کم کھاتے ہیں اور وزن میں کمی آتی ہے ان میں آئرن بھی پایا جاتا ہے جو آپ کو طاقت فراہم کرتا ہے اور میٹھا کھانے کی خواہش کو کم کرتا ہے۔
• نظامِ ہاضمہ
کدو کے بیج آپ کے نظامِ ہاضمہ کو بہتر بناتے ہیں اس کے استعمال سے پیشاب میں اضافہ ہوتا ہے اور مثانے کی تکلیف دور ہوتی ہے ان میں امینو ایسڈ ہوتے ہیں جو اینٹی بیکٹیریل ایجنٹ کے طور پر کام کرتے ہیں اور آنتوں کے کیڑوں کو ختم کرتے ہیں۔
• ذیابطیس میں مفید
کدو کے بیج بلڈ شوگر لیول کو متوازن بناتے ہیں اور ذیابطیس کے مریضوں کے لئے فائدے مند ثا بت ہوتے ہیں۔
• ہاورمونز بہتر بنائے
خواتین کے لئے کدو کی بیجوں کو غذا میں شامل کرنا بےحد فائدے مند ہے یہ خواتین میں ہارمونز کی خرابی کو دور کرنے میں مددگار ثابت ہوتے ہیں یہ ڈپریشن کو روکنے میں بھی کردار ادا کرتے ہیں یہ نیند اور موڈ بہتر بناتے ہیں۔