Paon aur Muh ki Badbu ka Desi Ilaj

بدبومنہ کی ہو یا پاؤں کی آپ کے لئے کسی بھی محفل میں شرمندگی اوراردگرد بیٹھے لوگوں کے لئے ناگواری کا باعث بنتی ہے ۔ انسانی جسم پورے کا پورا بدبو پیدا نہیں کرتا بلکہ جسم کے کچھ خاص حصے ہوتے ہیں، جو ایسی صورت حال پیدا کردیتے ہیں ۔ پسینے کے باعث خصوصاً مردوں کے پیروں سے بہت زیادہ بدبو آ تی ہے ، کیونکہ زیادہ تر مرد حضرات ہی بند جوتے پہنتے ہیں ۔

ایسے لوگ تھوڑی دیر بند جوتا پہن کر اگر جرابیں اتاریں، تو آپ انہیں اپنے پاس نہیں بٹھا پائیں گے ۔ اسی طرح جب بات کرنے پر آپ کے منہ سے بدبو آئے تو کوئی بھی آپ کے قریب آنا پسند نہیں کرے گا۔ منہ اور پاؤں کی بدبو اگر دوسروں میں ناگواری کا احساس پیدا کرتی ہے ، توسوچئے ! جس کے پاؤں یا منہ سے بدبو آرہی ہے ، شرم کے باعث اس کا کیاحال ہوگا۔ جسم سے بدبو آنے کی کوئی مخصوص دوائی نہیں ، لیکن چند احتیاطی تدابیر کو اختیار کرکے اس سے نجات حاصل کی جا سکتی ہے ۔

کھلے جوتوں کا استعمال :
اگر موسم اجازت دے تو ہمیشہ کھلے جوتے یعنی سینڈل اور چپل وغیرہ کا زیادہ استعمال کریں ۔ اس کے علاوہ لونگ، سونف اور بڑی الائچی کا استعمال بھی آپ کی سانسوں کو مہکا اور جسمانی بدبو ختم کر سکتا ہے ۔

دارچینی کی چائے :
ماہرین کے مطابق دارچینی کی چائے منہ اور سانسوں کومہکائے رکھتی ہے ۔ لہذا دن میں ایک بار ضرور دارچینی والی چائے پئیں ۔

سیب :
جب ہم سیب کو دانتوں سے کاٹتے ہیں تو تھوک پیدا ہونے کے نظام میں تحریک پیدا ہوتی ہے ، جوقدرتی طور پر منہ کی صفائی کا فریضہ سرانجام دیتا ہے ۔

پودینہ :
پودینہ کا استعمال منہ کی بدبو کے خاتمے کا موثر ذریعہ ہے ، آپ کے اکثر مختلف ٹوتھ پیسٹ کے اشتہارات میں بھی اس کا ذکر سنا ہوگا ، تو اگر آپ منہ کی بدبو سے نجات حاسل کرنا چاہتے ہیں تو کھانے میں پودینہ کے استعمال کو بڑھائیں ۔

وٹامن سی :
مالٹا ، لیموں سمیت ترش پھل وٹامن سی سے بھرپور ہوتے ہیں اور وٹامن سی منہ کو تازہ رکھتے ہوئے اس میں بدبو پیدا نہیں ہونے دیتا ۔

پانی :
پانی زیادہ پینے کے علاوہ اس سے غرارے بھی کریں ۔ ہائیڈریشن (آبیدگی) منہ کی بدبو کا ایک اہم علاج ہے ، کیونکہ آپ کا جسم جب ڈی ہائیڈریٹڈ (پانی کی کمی) کاشکار ہوتا ہے تو منہ میں تھوک پیداکرنے کی صلاحیت کم ہوجاتی ہے اوریہی کمی منہ میں بدبوپیدا کرنے کا باعث بنتی ہے ۔