جسم پر بغیر کسی چوٹ یا زخم کے نیل پڑ جاتے ہیں؟ جانیں جسم پر ہونے والے نشان کن بیماریوں کی نشاندہی کرتے ہیں

اکثر لوگوں کو یہ پریشانی رہتی ہے کہ ان کے جسم پر بغیر کسی چوٹ یا زخم کے نیل کے نشان پڑ جاتے ہیں اور انہیں اس کی کوئی وجہ بھی سمجھ نہیں آ رہی ہوتی۔ عموماً تو ایسا ہوتا ہے کہ جانے انجانے میں ہمیں کچھ لگ جاتا ہے لیکن پتہ نہیں چلتا اور کچھ دن میں وہ نشان خود ہی غائب ہوجاتا ہے۔

لیکن اگر آپ کے جسم کے مختلف حصوں پر نیل کے نشان پڑ رہے ہیں اور وہ وقت کے ساتھ کم ہونے کے بجائے پھیل رہے ہیں تو ایسی صورت میں آپ کو کئی طرح کے صحت کے مسائل ہو سکتے ہیں جن میں سے کچھ درج ذیل ہیں۔

جسم پر نیل کے نشان کیوں پڑتے ہیں؟

۔ جسم کے اندر موجود خون کی شریانوں کے پھٹ جانے سے نیل کے نشان نمودار ہوتے ہیں

۔ جسم میں وٹامن کی کمی کے باعث بھی نیل کے نشان پڑ جاتے ہیں

۔ جسم میں غذائیت کی کمی کے باعث بھی نیل پڑتے ہیں یعنی جو لوگ صحیح طرح کھانا نہیں کھاتے

۔ کچھ ادویات ایسی ہوتی ہیں جن سے خون پتلا ہوتا ہے اور اس سے بھی جسم پر نیل پڑنے لگتے ہیں، ادرک کا زیادہ ستعمال اور مچھلی کا تیل بھی خون پتلا کرتا ہے۔

۔ اکثر لوگوں کے جسم میں کینسر بننے کی صورت میں بھی نیل کے نشان پڑتے ہیں

۔ ہارمونل عدم توازن بھی ان نشانات کی ایک وجہ ہے

ڈاکٹر کو کب دکھائیں؟

جب جسم میں نیل ضرورت سے زیادہ دکھائی دیں یا پھر وہ ٹھیک ہونے کی جگہ مزید گہرے ہوتے چلے جائیں تو ایسی صورت میں ڈاکٹر سے لازمی رجوع کریں۔