شوہر کو کبھی تم کہہ کر بات نہیں کی.. جیا بچن نے خوشگوار شادی شدہ زندگی گزارنے کے لئے اپنا تجربہ بیان کردیا

"ایک بات مجھے بہت بری لگتی ہے وہ یہ ہے کہ لوگ ایک دوسرے کو "تو‘ اور ’تم‘ کہہ کر مخاطب کرتے ہیں. چاہے کسی کے ساتھ بھی ہو، کیا آپ نے کبھی مجھے اپنے نانا امیتابھ سے ’تم‘ کا لفظ استعمال کرتے ہوئے سنا ہے؟ میں ہمیشہ انہیں آپ کہہ کر بلاتی ہوں"

یہ کہنا ہے اداکارہ جیا بچن کا جنھوں نے حال ہی میں اپنی بیٹی شویتا بچن کے ساتھ نواسی کے پوڈ کاسٹ ’واٹ دی ہیل ناویا‘ میں شرکت کی اور میاں بیوی کے رشتے سے متعلق اپنے تجربات بیان کیے.

جیا بچن کا کہنا تھا کہ میرے نزدیک ہر رشتے میں عزت اور احترام ہونا لازمی ہے جب تک آپ کسی کی عزت نہیں کریں گے تو بدلے میں آپ کو بھی عزت نہیں ملے گی۔ آج کل کی نسل میں عزت اور احترام کی شدید کمی ہے. اب ہر رشتے کو ’تم‘ اور ’تو‘ کہہ کر بلانا عام سی بات ہوگئی ہے. میرے خیال میں ہمیں نوجوان نسل کو اس حوالے سے سمجھانے کی ضرورت ہے.

جیا بچن نے میاں بیوی کے رشتے کے متعلق بات کرتے ہوئے مزید کہا کہ "میری ساس ہمیشہ کہتی تھیں کہ جتنی کم امید لوگوں سے رکھی جائے زندگی میں اتنی ہی کم مایوسی کا سامنا کرنا پڑتا ہے. میں اپنی ساس کی اس نصیحت کو یاد رکھا اور اسی وجہ سےزندگی میں بہت کم مایوسی کا منہ دیکھنا پڑا ہے.