شادی نہ ہوگئی مذاق ہوگیا ۔۔ شوبز انڈسٹری میں ہونے والی ایک کے بعد ایک طلاق کی آخر وجہ کیا ؟

آج کل ہمارے معاشرے میں شادی کرنا جتنا مشکل ہوگیا ہے اتنا ہی اسے توڑنا آسان ہوگیا ہے، آئے دن کسی نہ کسی کی طلاق کی خبر سننے کو ملتی رہتی ہے۔ پاکستان کی شوبز انڈسٹری میں تو جیسے طلاق کی بوا ہی چل گئی ہو، جہاں کچھ اداکار اپنی سالوں پرانی شادیاں توڑ رہے ہیں تو وہیں کچھ شادی کے کچھ وقت بعد ہی علیحدگی کا اعلان کررہے ہیں

حال ہی میں کافی طلاقوں اور بریک اپ کی خبریں سوشل میڈیا پر دیکھنے کو آئی ہیں جنہیں دیکھ کر ایسا لگتا ہے کہ ان اداکاروں نے شادی کے رشتے کو مذاق بنا دیا ہو۔ آئیے بات کرتے ہیں ان جوڑیوں کی جو حال ہی میں الگ ہوئے ہیں

فیروز خان اور علیزے سلطان:

فیروز اور علیزے کی شادی 2018 میں ہوئی تھی، علیزے شوبز انڈسٹڑی سے تعلق نہیں رکھتی تھی، ان کے رشتے سے متعلق اکثر و بیشتر اختلافات کی افوائیں گردش کرتی رہتی تھیں لیکن شادی برقرار تھی۔ حال ہی میں فیروز نے اپنے بچوں کی تصویریں انٹرنیٹ پر پوسٹ کی تھیں جسے پبلک نے بہت پسند کیا۔ پر اسکے کچھ دن بعد ہی انکی طلاق کی خبر آگئی، دراصل فیروز کو فیملی کورٹ میں دیکھا گیا تھا جہاں وہ بچے کی کسٹڈٰی کے حوالے سے آئے ہوئے تھے۔

چار سال کی شادی اور دو بچے ہونے کے بعد طلاق لینا، اس بات نے مداحوں کے ذہن میں کئی سوال کھڑے کر دیئے ہیں کہ اچانک ایسا کیا ہوا جو شادی توڑ دی؟

فرقان قریشی اور سبرینا فرقان:

آج کل نیٹ پر یہ خبر زوروں سے گردش کر رہی ہے کہ 'میرے پاس تم ہو' سے مشہور ہونے والے اداکار فرقان قریشی اور ان کی اہلیہ سبرینا میں علیحدگی ہوگئی ہے، کیونکہ ایک دوسرے کو انسٹاگرام سے اَن فولو کرنا اور ساتھ والی تصویروں کو ڈیلیٹ کرنا اس بات کی طرف اشارہ کرتا ہے کہ واقعی انکے درمیان کچھ اختلافات تو ضرور ہوئے ہیں۔

یہ پیارا جوڑا دسمبر 2016 میں شادی کے بندھن میں بندھا تھا، شادی سے قبل فرقان قریشی اداکارہ صنم چوہدری کے بھی قریبی دوست تھے۔ ویسے، فی الحال ایسا لگتا ہے کہ فرقان کی ازدواجی زندگی مشکلات کا شکار ہے تاہم سبرینا نے اپنا نام اب تک تبدیل نہیں کیا ہے، دیکھتے ہیں انکا رشتہ آگے چل کر کیا موڑ لیتا ہے۔

طلاق کی وجہ:

آج کل لوگوں میں قوتِ برداشت بہت کم ہوگئی ہے، شادی کے بعد جہاں لڑکے لڑکی میں جھکاؤ آنا چاہیئے وہیں ان میں ضد اور انا آگئی ہے۔ لوگ رشتے میں آئے فاصلے اور غلط فہمیوں کو مل کر کم کرنے اور شادی کو نبھانے کے بجائے اسے توڑنے جیسا آسان راستہ اختیار کرتے ہیں، جو آگے چل کر کئی بار پچھتاوے کا باعث بنتا ہے۔

By Humaira  |   In News  |   0 Comments   |   1201 Views   |   21 Sep 2022
Related Articles
Top Trending
Comments/Ask Question

Read Blog about شادی نہ ہوگئی مذاق ہوگیا ۔۔ شوبز انڈسٹری میں ہونے والی ایک کے بعد ایک طلاق کی آخر وجہ کیا ؟ and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (شادی نہ ہوگئی مذاق ہوگیا ۔۔ شوبز انڈسٹری میں ہونے والی ایک کے بعد ایک طلاق کی آخر وجہ کیا ؟) and how to utilize other natural ingredients to cure diseases, easy recipes, and other information related to food from KFoods.