شاہ رخ خان سے ملنے کے لئے ملک چھوڑا اور 3 دن تک کھانا نہیں کھایا۔۔ شاہ رخ خان نے انڈونیشئین لڑکی سے مل کر کیا کہا؟ دلچسپ کہانی

“میں9 برس کی تھی جب پہلی بار فلم کچھ کچھ ہوتا ہے دیکھیں۔ ہندی بھی سمجھ نہیں آتی تھی اس کے باوجود شاہ رخ خان کی اداکاری کی فین ہوگئی۔ میں روزانہ ان کی فلم دیکھتی تھی اور کمرے کو شاہ رخ خان کے پوسٹرز سے سجایا ہوا تھا لیکن گھر والے کہتے تھے کہ پڑھائی کرو اس لئے میں نے گھر چھوڑ دیا“

یہ کہنا ہے مٹیارا کا جن کا تعلق انڈونیشیا سے ہے۔ مٹیارا شاہ رخ خان سے ملنا چاہتی تھیں جس کے لئے انھوں نے 2013 میں اپنا گھر چھوڑ دیا اور ڈانس سیکھنے بھارت آگئیں۔ یہاں انھوں نے کڑی محنت کی اور کسی طرح ممبئی پہنچیں۔ اپنے پسندیدہ اداکار سے ملنے کے لئے مٹیارا ایک بار ٣ دن تک بغیر کھانا کھائے اور آرام کیے شاہ رخ خان کے گھر کے باہر کھڑی رہیں جس پر شاہ رخ خان نے تو انھیں نہیں دیکھا لیکن کسی نے ان کی تصویر لے کر سوشل میڈیا پر ڈال دی جو وائرل ہوگئی اور شاہ رخ خان نے بھی دیکھ لی۔

مٹیارا نے لکھا کہ شاہ رخ خان نے جب مجھے سوشل میڈیا پر ملنے کو کہا تو مجھے یقین نہیں آرہا تھا۔ میں کام ختم کر کے ان کے اسٹوڈیوپہنچی تو وہ مجھ سے ملے اور کہا کہ “مٹیارا اب آپ اپنے گھر انڈونیشیا واپس چلی جائیں کیونکہ آپ کے والدین پریشان ہورہے ہوں گے“۔ شاہ رخ نے اسی وقت مٹیارا سے ان کے والدین کے لئے خط لکھوایا اور انھیں واپس بھیجا۔

مٹیارا کا کہنا ہے کہ وہ شاہ رخ سے مل کر کافی خوش ہیں وہ نہ صرف بہترین اداکار ہیں بلکہ بہت اچھے انسان بھی ہیں۔