یہ تو مرد ہی نہیں لگتے۔۔ ببرک شاہ کا عمران عباس پر کڑا وار! اداکار نے کیا جواب دے کر منہ بند کر دیا؟

Imran Abbas Reply Back To Babrik Shah

پاکستان کے معروف اداکار عمران عباس ایک بار پھر مداحوں کے دل جیتنے میں کامیاب ہوگئے، لیکن اس بار اپنے کسی نئے ڈرامہ یا فلم کی وجہ سے نہیں بلکہ ایک ایسے بیان کے ذریعے، جس نے سب کو سوچنے پر مجبور کردیا۔

بات کچھ یوں ہے کہ ایک شو 'سنو تو سہی' میں اداکار ببرک شاہ نے میزبان حنا نیازی کے ساتھ گفتگو کے دوران عمران عباس پر طنزیہ انداز میں تبصرہ کرتے ہوئے کہا کہ وہ کسی فلم کے ہیرو جیسے نہیں لگتے، نہ ہی ایک مردانہ شخصیت رکھتے ہیں۔

یہ جملے بلاشبہ کسی کو بھی غصہ دلا سکتے تھے، لیکن عمران عباس کا ردِعمل سب کے لیے حیران کن نکلا۔ انہوں نے بڑی سادگی اور وقار سے کہا کہ؛

"مجھے اس بات سے کوئی فرق نہیں پڑتا کہ کون میرے بارے میں کیا کہتا ہے، کیونکہ اللہ نے مجھے وہ سب کچھ دیا ہے جس کے میں شاید لائق بھی نہیں تھا۔ نفرت ہمیشہ کامیابی کے ساتھ آتی ہے، اور جو لوگ دوسروں کو نیچا دکھانے میں وقت ضائع کرتے ہیں، وہ دراصل خود پیچھے رہ جاتے ہیں۔"

انہوں نے مزید کہا کہ، "سوشل میڈیا پر جو لوگ دوسروں کو برا بھلا کہتے ہیں، اگر آپ ان کی زندگی پر نظر ڈالیں تو ان کا اپنا پروفائل بالکل عام سا ہوتا ہے، ان کی کوئی بڑی کامیابی نہیں ہوتی، اور یہی ناکامی انہیں دوسروں پر حملہ کرنے پر مجبور کرتی ہے۔"

آخر میں عمران عباس نے نہ صرف اپنے ناقدین کے لیے دعا کی بلکہ یہ بھی کہا کہ، "کامیابی ہمیشہ مثبت سوچ رکھنے والوں کو ملتی ہے، جبکہ تنقید اور نفرت کرنے والے زندگی میں کہیں آگے نہیں بڑھ پاتے۔"

جیسے ہی یہ بیان سامنے آیا، سوشل میڈیا پر ان کے چاہنے والوں نے انہیں سراہا اور کہا کہ عمران عباس نے جس وقار اور تحمل کے ساتھ جواب دیا ہے، وہ انہیں دوسروں سے الگ کرتا ہے۔

ایک طرف تلخ الفاظ تھے، دوسری طرف نرمی، بردباری اور حکمت۔ اور یہی خوبصورتی عمران عباس کو ایک حقیقی اسٹار بناتی ہے۔