عاصم نے ہی میرب کو ملوایا تھا۔۔ کیا دونوں کا رشتہ ٹوٹنے کی وجہ ان کا مشترکہ دوست ہے؟

Asim Azhar And Meerub Ali Breakup Reason

پاکستان کی مشہور اسٹار جوڑی، عاصم اظہر اور میرب علی، جو جلد شادی کے بندھن میں بندھنے جا رہے تھے، اب علیحدگی کی راہ پر چل پڑے ہیں۔ دونوں نے باضابطہ طور پر اپنی منگنی ختم ہونے کا اعلان کر دیا ہے، مگر حیرت انگیز بات یہ ہے کہ نہ کوئی جذباتی پوسٹ، نہ کوئی دل شکستہ کیپشن— بس کام، کام اور صرف کام۔

مداح ابھی تک اس اچانک پیشرفت پر یقین نہیں کر پا رہے۔ ایک طرف جہاں یہ خبر چونکا دینے والی ہے، وہیں دوسری طرف 'ریڈ اِٹ' اور دیگر سوشل میڈیا پلیٹ فارمز پر ایک نیا پہلو سامنے آ رہا ہے، جس نے معاملے کو اور بھی سنسنی خیز بنا دیا ہے۔

کیا واقعی بریک اپ کی وجہ مشترکہ دوست ہیں؟

جی ہاں، دعویٰ کیا جا رہا ہے کہ یہ منگنی عاصم نے نہیں بلکہ میرب نے توڑی، اور اس کی وجہ کوئی اور نہیں بلکہ معروف سنگر عبدالرحمان ساجد عرف حاوی ہیں۔ اور دلچسپ پہلو یہ ہے کہ میرب اور حاوی کی پہلی ملاقات کروانے والے بھی عاصم اظہر ہی تھے۔

ایک صارف نے انکشاف کیا کہ یہ بات فروری اور مارچ سے گردش میں ہے کہ میرب، حاوی میں دلچسپی لے رہی تھیں۔ حتیٰ کہ عاصم نے بھی حاوی کو انسٹاگرام پر ان فالو کر دیا تھا۔

ایک اور صارف نے بتایا کہ جب عاصم کی کینیڈا کی ٹکٹس مکمل بک ہو گئیں تو میرب نے مبارکباد تک نہیں دی، جبکہ وہ مومنہ کے ساتھ حاوی کا کانسرٹ اٹینڈ کر رہی تھیں۔

سالگرہ پر ہوا کنکشن؟

کہانی میں ایک خاص موڑ اس وقت آیا جب جنوری کو میرب علی کی سالگرہ کے موقع پر عاصم نے ایک پرائیویٹ کنسرٹ آرگنائز کیا، جس میں پرفارم کرنے والے آرٹسٹ حاوی تھے... جی ہاں، اس دن کی تصویری جھلکیاں میرب نے بھی اپنے انسٹاگرام پر شیئر کی تھیں، جو بعد میں سب کے لیے سوالیہ نشان بن گئیں۔

تو آخر یہ ’حاوی‘ کون ہے؟

اگر آپ ابھی تک حیران ہیں کہ یہ حاوی آخر ہے کون، تو جان لیجیے، یہ پیپسی بیٹل آف دی بینڈز کے فاتح بینڈ 'اوج' کے لیڈ سنگر عبدالرحمان ساجد ہیں۔ جو اپنی منفرد آواز اور انداز کے باعث اب حاوی کے نام سے جانے جاتے ہیں۔ میوزک انڈسٹری میں تیزی سے ابھرتا ہوا یہ نام، اب ذاتی زندگی کی خبروں میں بھی جگہ بنا رہا ہے۔

سوشل میڈیا کی قیاس آرائیاں جاری ہیں، مگر اصل حقیقت شاید صرف تین لوگ ہی جانتے ہیں عاصم، میرب اور حاوی۔