استاد اور شاگرد کے بیچ پیار کوئی گناہ تو نہیں ۔۔ ہمایوں سعید نے اپنے کردار کو سپورٹ کرتے ہوئے کیا جواز پیش کر دیا؟

Humayun Saeed On Student Teacher Romance In Main Manto Nahi Hoon

اے آر وائے ڈیجیٹل کا نیا ڈرامہ "میں منٹو نہیں ہوں" کے ہر کردار نے ناظرین پر الگ ہی اثر چھوڑا ہے۔ ایک طرف بہترین اداکاری کی تعریفیں ہورہی ہیں تو دوسری طرف ایک پہلو نے سب کو چونکا دیا، استاد اور شاگرد کے رشتے میں پروان چڑھتا رومانس۔

سوشل میڈیا پر مداحوں کی بڑی تعداد اس کہانی کے اس حصے سے ناخوش ہے، خاص طور پر اس لیے کہ دونوں کے درمیان عمر کا فرق بہت نمایاں دکھایا گیا ہے۔

معروف اداکار ہمایوں سعید نے ملیحہ رحمان کے شو پر آکر اس معاملے پر کھل کر بات کی۔ ان کا کہنا تھا، کیا اصل زندگی میں ٹیچر– اسٹوڈنٹ رومانس نہیں ہوتے؟ بلکل ہوتے ہیں، لوگ محبت کرتے ہیں، پھر شادیاں بھی کرتے ہیں۔

ہمایوں نے مزید وضاحت کی کہ، کہانی میں یہ رومانس ابتدا سے نہیں بلکہ صرف ایک کِرَش کی شکل میں دکھایا گیا ہے۔ مہمل جس ماحول میں پلی بڑھی وہاں صرف تشدد، شور اور تلخی تھی۔ ایسے میں جب اسے ایک ایسا شخص نظر آیا جو پُرسکون ہے، خود کھانا پکاتا ہے، نرمی سے بات کرتا ہے— وہ متاثر ہوئے بغیر رہ نہ سکی۔

انہوں نے کہا کہ اگر ڈرامہ ساز چاہتے تو آغاز سے ہی رومانوی ٹریک ڈالتے، لیکن یہاں صرف حالات کی وجہ سے جنم لینے والا ایک جھکاؤ دکھایا گیا ہے۔

سوال یہ ہے کہ: ناظرین اس "کِرَش" کو قبول کریں گے یا نہیں؟