اگر آپ کے بھی ہاتھوں میں زیادہ پسینہ آتا ہے تو یہ 4 گھریلو ٹپس ضرور آزمائیں جو کریں اضافی پسینے کو کنٹرول اور بنائیں ہاتھوں کو نرم و ملائم

پسینہ آنا ایک نارمل بات ہے اور اس میں کوئی برائی بھی نہیں ہے کیونکہ یہ ہمارے جسم کے درجہ حرارت کو کنٹرول کرتا ہے اور اضافی چربی کو گھٹانے کا باعث بھی بنتا ہے۔ لیکن اگر صرف ہاتھوں میں زیادہ پسینہ آئے تو یہ یقیناً کوئی جسمانی پیچیدگی کا باعث ہوتا ہے۔

ہاتھوں میں یوں پسینہ آنا پامر ہائپر ہائیڈروسس نامی بیماری ہوتی ہے جو شوگر کی کمی، تھائیرائیڈ گلینڈ کا اضافی ہارمون پیدا کرنا، ہارٹ اٹیک، اعصابی نظام میں خرابی، سینڈروم وغیرہ کی وجہ سے بھی ہوسکتی ہے۔ اس میں پسینہ پورے جسم میں تو آتا ہی ہے لیکن ہاتھ کی پتھیلیوں میں سب سے زیادہ ہوتا ہے اور اس کی وجہ سے آپ نہ تو کاپی پر لکھ سکتے اور نہ کوئی چیز مضبوطی سے تھام سکتے کیونکہ پسینہ اتنا ہوتا ہے کہ وہ چیزیں ہاتھوں سے نکل جاتی ہیں۔

ایسے میں جب آپ کسی سے ہاتھ نہیں ملا سکتے کیونکہ اس سے آپ کے جراثیم دوسروں میں منتقل ہونے کا خدشہ ہوتا ہے اور لوگ بھی کتراتے ہیں جو ایک ناگزیرعمل ہے۔ اس مسئلہ کو کنٹرول کرنے کے چند گھریلو طریقے ہم آپ کو بتانے جارہے ہیں آپ بھی آزمائیے گا اور ان کے نتائج سے فائدہ بھی اٹھائیے گا۔

گھریلو ٹپس:

• چائے کی پتی:
چائے کی پتی میں موجود ٹینک ایسڈ اضافی پسینے کو خارج ہونے سے روکنے میں مدد دیتا ہے۔ اس لئے آپ تین چمچ چائے کی پتی کو ایک پیالے میں ڈالیں اور اس میں آدھا کپ پانی ڈال لیں اور اس کو اچھی طرح پکائیں اور ٹھنڈا کرلیں۔ اور اس چائے میں اپنے ہاتھوں کو دس پندرہ منٹ تک ڈبو کر رکھیں یہ ہاتھوں کے مسلز کو فعال بنانے اور زیادہ پسینے کو کنٹرول کرنے میں مدد دیتا ہے۔

• بیکنگ سوڈا:
بیکنگ سوڈا ہمارے ہاتھوں اور پیروں کی خوبصورتی میں ایک اہم کردار کرتا ہے کیونکہ اس میں ہلکے الکلائین کی خصوصیات پائی جاتی ہیں لہٰذا آپ ایک پیالے میں دو چمچ بیکنگ سوڈا ڈالیں اور آدھا کپ پانی ڈال کر مکس کریں اس کے بعد چاہیں تو اپنے ہاتھوں کو اس پانی میں ڈبو لیں ورنہ روئی کی مدد سے اس محلول کو اپنے ہاتھوں پر لگائیں اس سے ایک تو پسینہ کم آئے گا دوسرا ہاتھ چمکدار بھی ہوجائیں گے تو ابھی آزمائیں اور دو دو فائدے اٹھائیں۔

• لیموں:
لیموں ہمارے گھروں میں موجود ہوتا ہے اور ہر طرح سے لیموں کا استعمال فائدہ مند ہے کیونکہ اس میں شامل سٹرک ایسڈ ہمیں کبھی پریشان نہیں ہونے دیتا۔ پسینے کے مسائل میں بھی لیموں بلکل سستے ٹانک کے طور پر کام کرتا ہے۔ آپ لیموں کا رس نکالیں اور روئی کی مدد سے اس کو ہاتھوں میں لگائیں یا چاہیں تو ہاتھوں کو ڈبو بھی سکتی ہیں۔ یہ بھی پسینے کے اضافی اخراج کو کنٹرول کرے گا اور ساتھ ہی مینی کیور بھی ہوجائے گا۔

• ٹماٹر: ٹماٹر میں وٹامن سیریز پائی جاتی ہے جیسے کہ وٹامن اے، کے، بی 1، بی 3، بی 5، بی 6، بی 7، سی اور دیگر معدنیاتی اجزاء جو اسے ہماری صحت کے مسائل میں مفید بناتے ہیں۔ لہٰذا آپ ٹماٹر کا رس روزانہ ایک گلاس پیئیں اضافی پسینے کے مسئلے کو کنٹرول کریں۔
اس کے علاوہ آپ ٹماٹر کے گودے کو ہاتھوں پر لگالیں اور کچھ دیر چھوڑ دیں روزانہ اس پر عمل کریں۔
یہ آپ کے لئے چند مفید مشورے ہیں۔