اصلی ڈرامہ تو مودی نے کیا۔۔ بھارتی پابندیوں کی پول کُھل گئی! پاکستانی اداکاروں نے مزید مرچیں لگا دیں، دیکھیں

Pakistani Celebrities Reacts On Indian Ban

حال ہی میں پاک بھارت تعلقات میں ایک بار پھر کشیدگی اُس وقت بڑھ گئی جب بھارتی حکومت نے پاکستانی فنکاروں اور میڈیا پر اچانک پابندی لگا دی۔ یہ قدم اُس واقعے کے بعد اُٹھایا گیا جس میں بھارتی سیاحوں کی ہلاکت کا الزام پاکستان پر دھرا گیا۔

لیکن جیسے ہی بھارتی فوج کے ایک اعلیٰ افسر نے خود تسلیم کیا کہ یہ واقعہ دراصل ایک 'فالس فلیگ آپریشن' تھا، سب کچھ واضح ہو گیا کہ اصل مقصد پاکستان کو عالمی سطح پر بدنام کرنا تھا

اس سیاسی چال کے بعد بھارت میں پاکستانی فلمیں، ڈرامے اور شوز روک دیے گئے، جن میں فواد خان اور ہانیہ عامر کی نئی فلمیں بھی شامل تھیں۔ لیکن اس بار پاکستانی شوبز نے مکمل خاموشی اختیار کرنے کے بجائے بھرپور جواب دیا۔

فنکاروں کا طنزیہ ردِعمل: ہماری اداکاری سے اتنا ڈر کیوں؟

مشی خان نے تو باقاعدہ ایک مزاحیہ ویڈیو بنا کر بھارتی ڈراموں کا مذاق اُڑایا اور بتایا کہ بھارتی مواد میں اصل میں "ڈرامہ" کس چیز کو کہتے ہیں۔

حنا الطاف نے ایک دلچسپ انسٹاگرام ویڈیو میں اس پوری پابندی کو بچگانہ اور بے بنیاد پروپیگنڈا قرار دیا۔ ان کی ویڈیو نے مداحوں میں دھوم مچا دی اور دیکھتے ہی دیکھتے وائرل ہو گئی۔

عمران عباس، یاسر حسین اور اعجاز اسلم جیسے بڑے ناموں نے کھل کر بھارتی اقدام پر تنقید کی اور کہا کہ یہ فن کی آزادی پر حملہ ہے، اور دراصل بھارتی حکومت پاکستانی ٹیلنٹ سے خوفزدہ ہے۔

اعجاز اسلم نے تو سیدھی بات کرتے ہوئے کہا، اگر بھارت ہمارے اداکاروں سے ہی ڈر گیا ہے، تو پھر ہماری فوج سے کیسے لڑے گا؟

مداحوں کا ردِعمل: ہنر کو سرحدوں میں قید نہیں کیا جا سکتا

شائقین نے بھی بھارت کے اس فیصلے پر خوب تنقید کی۔ ان کا کہنا تھا کہ پاکستانی فنکاروں کی شہرت اور مقبولیت سرحدوں کی محتاج نہیں۔ جتنی چاہے رکاوٹیں کھڑی کی جائیں، سچ اور ٹیلنٹ اپنا راستہ خود بنا لیتا ہے۔

آخر میں سوال صرف اتنا ہے: اگر پاکستانی فنکاروں سے اتنا خوف ہے تو کیا واقعی بھارت اتنا طاقتور ہے جتنا وہ خود کو ظاہر کرتا ہے؟