کالج گرل کے کردار میں آنٹی کو لے لیا۔۔ میں زمین تُو آسمان کی پہلی قسط دیکھنے کے بعد حبا بخاری صارفین کے نشانے پر ! باڈی شیمنگ کی انتہا کردی

Hiba Bukharis Age & Look Spark Debate

"حبا اچھی اداکارہ ہے لیکن میں اُس کے ڈراموں کے لباس کے انتخاب سے کبھی مطمئن نہیں ہو پائی۔"

"حبا کبھی ہیروئن نہیں لگتی، ہمیشہ ایک عام سی اداکارہ دکھائی دیتی ہے، سمجھ نہیں آتی کہ اُسے ہر بار مرکزی کردار کیوں دیا جاتا ہے۔"

"حبا، فیروز خان سے بڑی لگتی ہے، اُن دونوں کی آن اسکرین جوڑی بلکل غیر متوازن ہے۔

"اُسے اس عمر کے مطابق کردار کرنے چاہییں، کالج گرل بالکل نہیں لگتی۔"

"پتہ نہیں کیوں، لیکن مجھے حبا ہمیشہ آنٹی لگتی ہے۔"

یہ کچھ تبصرے ہیں جو سوشل میڈیا پر اس وقت گردش کر رہے ہیں، جب مشہور ڈرامے"میں زمین تُو آسمان" کی تازہ ترین قسط نے آن لائن ہلچل مچا دی۔

احمد بھٹی کی ہدایتکاری اور عبدالخالق خان کے قلم سے لکھی گئی اس کہانی میں حبا بخاری اور فیروز خان مرکزی کردار ادا کر رہے ہیں۔ تاہم ڈرامے میں حبا بخاری کے کالج اسٹوڈنٹ کے کردار نے مداحوں کو الجھا دیا ہے۔ ناظرین کا کہنا ہے کہ اُن کی عمر اور لک اس کردار سے میل نہیں کھاتی، جبکہ اُن کے لباس اور انداز پر بھی تنقید کی جا رہی ہے۔

وائرل ہونے والے ایک کلپ نے سوشل میڈیا پر بحث چھیڑ دی ہے جہاں صارفین نے حبا بخاری کے لباس، میک اپ اور آن اسکرین کیمسٹری پر سوالات اٹھائے ہیں۔ کچھ لوگ اُنہیں ایک بہترین اداکارہ قرار دے رہے ہیں مگر ساتھ ہی یہ بھی کہہ رہے ہیں کہ اُنہیں اب عمر کے لحاظ سے کرداروں کا انتخاب کرنا چاہیے۔

اداکارہ کی جانب سے ابھی تک ان تبصروں پر کوئی ردعمل سامنے نہیں آیا، لیکن یہ بات طے ہے کہ "میں زمین تُو آسمان" نہ صرف اپنی کہانی بلکہ کاسٹنگ کے انتخاب کے باعث بھی موضوعِ گفتگو بن چکا ہے۔