بلغم کی وجہ سے سینہ جکڑ گیا ہے؟ جانیئے دادی ماں کے بتائے ہوئے چند ایسے گھریلو طریقے جو دیں آپ کو کھانسی اور بلغم سے منٹوں میں نجات

بلغم کی وجہ سے مسلسل کھانسی، سانس لینے میں تکلیف اور بے چینی،یہ سینہ جکڑنے کی علامت ہیں، یہ ٹھنڈے موسم کا ایک ایسا مسئلہ ہے جو لاکھوں لوگوں کو متاثر کرتا ہے ایسے میں کھانس کھانس کر سینے اور پسلیوں میں درد بھی شروع ہو جاتا ہے، مگر اچھی بات یہ ہے کہ اس کا علاج کچھ قدرتی اجزاء سے گھر پر آسانی سے کیا جا سکتا ہے۔
آج ہم آپ کو دادی ماں کے بتائیں ہوئے چند ایسے نسخے بتائیں گے جس سے آپ اپنے کچن میں موجود چیزوں کے استعمال سے ہی جکڑے ہوئے سینے کو کھول سکتے ہیں، اور بلغم سے بھی نجات پا سکیں گے، تو آیئے پھر نسخے جان لیتے ہیں۔

کھانسی اور بلغم سے نجات کے گھریلو نسخے

• سیب سرکہ

ایک کپ گرم پانی میں سیب کا سرکہ ڈالیں اور اسے پی لیں، ایک سے دو دن یہ استعمال کریں بلغم اور سینے کی جکڑن سے نجات مل جائے گی۔

• اسینشئیل آئل

ایک سے دو چمچ کیسٹر آئل یا ناریل کا تیل، یا پھر دو چمچ ٹی ٹری آئل اور کالی مرچ کا تیل لیں اسے مکس کریں اور نیم گرم کر کے اسے اپنی ناک، گردن، کمر اور سینے پر لگا کر مالش کریں، ایسا کرنے سے بھی جکڑا ہوا سینہ ٹھیک ہو جائے گا۔

• میتھی دانہ

میتھی دانہ وزن کم کرنے ہارمونز بہتر کرنے اور ساتھ ہی جکڑے ہوئے سینے کو ٹھیک کرنے کے لئے بھی استعمال کیا جاتا ہے، دادی ماں بتاتی ہیں کہ ایک کپ پانی لیں اس میں ایک چائے کا چمچ میتھی دانہ ڈالیں اور پکا لیں، جب آدھا کپ پانی رہ جائے تو اسے چھان لیں اور ایک کھانے کا چمچ شہد ملا کر پی لیں، ایسا کرنے سے بلغم باہر نکل آئے گا اور کھانسی سے بھی نجات ملے گی۔

• شہد

شہد میں کئی بیماریوں کا علاج ہے، ایک کپ نیم گرم پانی لیں اب اس میں ایک کھانے کا چمچ شہد ڈالیں اور آدھا لیموں نچوڑ کر پی لیں، دو سے 3 مرتبہ یہ ڈرنک بنا کر پینے سے بلغم دور ہوگا اور جکڑا ہوا سینہ کھُل جائے گا۔

• ادرک

جکڑے ہوئے سینے کو ٹھیک کرنے اور کھانسی سے نجات پانے کے لئے ادرک سے بہتر کیا ہو سکتا ہے، ڈیڑھ کپ پانی لیں اس میں ایک انچ کا ادرک کا ٹکڑا ڈال دیں اور جب تک ایک کپ پانی نہ رہ جائے تب تک اسے پکائیں، اس کے بعد اسے چھان کر نکال لیں اور ایک کھانے کا چمچ شہد ڈال کر اسے پی لیں، اس سے جکڑا ہوا سینہ کھل جائے گا بلغم باہر نکلے گا اور گلے کی سوزش بھی دور ہوگی۔

By Sadia    |    In Health and Fitness   |    0 Comments    |    1981 Views    |    17 Dec 2021

Comments/Ask Question

Read Blog about بلغم کی وجہ سے سینہ جکڑ گیا ہے؟ جانیئے دادی ماں کے بتائے ہوئے چند ایسے گھریلو طریقے جو دیں آپ کو کھانسی اور بلغم سے منٹوں میں نجات and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (بلغم کی وجہ سے سینہ جکڑ گیا ہے؟ جانیئے دادی ماں کے بتائے ہوئے چند ایسے گھریلو طریقے جو دیں آپ کو کھانسی اور بلغم سے منٹوں میں نجات) and how to utilize other natural ingredients to cure diseases, easy recipes, and other information related to food from KFoods.