میں خوفزدہ تھا کیونکہ آپریشن کے دوران ڈاکٹرز لان کے سوٹ اور ۔۔ سیّد جبران پہلی بار سی سیکشن کرنے کا تجربہ بتاتے ہوئے

سید جبران ایک شاندار پاکستانی اداکار ہیں، انہوں نے ہٹ ڈراموں میں اپنی شاندار اداکاری کے ذریعے شہرت حاصل کی اور شائقین بھی ان کی بہترین اداکاری کو سراہتے ہیں۔ سید جبران پیشے سے ایک ایم بی بی ایس ڈاکٹر ہیں لیکن چونکہ ان کا رجحان اداکاری ی طرف زیادہ تھا اسلیئے وہ شوبز میں آگئے۔

حال ہی میں، سید جبران نے ایف ایچ ایم کے پوڈ کاسٹ میں شرکت کی۔ جہاں انہوں نے اپنے میڈیکل کے آخری سال میں، سی سیکشن میں ڈاکٹرز کی مدد کرنے کا اپنا تجربہ شیئر کیا۔

اس کے بارے میں بات کرتے ہوئے جبران نے بتایا کہ، میں نے اپنے ایم بی بی ایس کے آخر سال میں ایک سی سیکشن میں بطور جونیئر مدد کی تھی جہاں میرے ساتھ دو سینئر خواتین ڈاکٹرز بھی تھیں۔ میں سکشن پمپ پر تھا اور میں یہ کام لگن سے کر رہا تھا تاکہ ڈاکٹروں کے لیے اسے چلانے میں آسانی ہو، لیکن میں اس وقت حیران ہوا جب ڈاکٹرز لان کے سوٹ اور شاپنگ وغیرہ ہر چیز کے بارے میں بات کر رہے تھے۔

یہ سب سن کر میں بہت خوفزدہ تھا لیکن ڈاکٹرز کے لیئے یہ نارمل تھا۔ وہ بہت تجربہ کار تھے اور انہوں نے اپنا کام شاندار طریقے سے کیا، پھر میں نے ٹانکے لگانے میں انکی مدد کی۔