میرے بجائے گھر بیٹھی اپنی بہنوں کی فکر کریں۔۔ فضا علی کی شادی کی جھوٹی افواہیں پھیلانے والوں پر شدید تنقید

پاکستانی اداکارہ اور میزبان فضا علی سوشل میڈیا پر انکی شادی سے متعلق جھوٹی افواہیں پھیلانے والوں پر برس پڑیں۔

اسی حوالے سے اداکارہ نے اپنے انسٹاگرام پر ایک ویڈیو شیئر کرتے ہوئے اپنے غصے کا اظہار کیا ہے۔

فضا علی کا کہنا تھا کہ، "میں آپ سب سے ایک ضروری بات کرنا چاہتی ہوں کہ آپ سب کو میری شادی کی بہت فکر ہے، آپ لوگ مجھے ڈولی چڑھانے کے لیے بیٹھے ہیں، ہو سکتا ہے کہ آپ میں سے بہت سارے لوگوں نے تو میرا جہیز بھی تیار کر لیا ہو۔"

اداکارہ کا مزید کہنا تھا کہ، "آپ اپنی بہنوں کی فکر اور اُن کی شادی کیجیے جو گھر میں بیٹھی ہیں، میں نے جب شادی کرنی ہوگی تو میں بتا دوں گی۔"

فضا علی نے یوٹیوبرز اور نجی میڈیا چینلز کو بھی آڑے ہاتھوں لیتے ہوئے کہا کہ، "کچھ چھوٹے چھوٹے یوٹیوبرز سستی شہرت کے لیے میری شادی کرواتے رہتے ہیں، کچھ بڑے چینلز بھی میرا نام استعمال کرتے ہیں اور میری شادی کروا دیتے ہیں، کبھی میری مہندی، کبھی شادی اور کبھی میرا نکاح ہو جاتا ہے۔"

اداکارہ نے اس حرکت پر افسوس کا اظہار کرتے ہوئے کہا کہ، "مجھے ایسی باتوں سے تکلیف پہنچتی ہے اسلیئے براہِ کرم اس طرح کے کام چھوڑ دیں، مجھے ٹیگ کرنا بند کریں اور سکون سے جینے دیں۔"