عورت کو مارنا، پیٹنا، رعب جھاڑنا اور۔۔ فیروز خان پہلی بار علیزے کے ساتھ اپنے معاملات پر بول پڑے! حقیقت کیا تھی؟

Feroze Khan Opens Up About His Divorce And Syeda Aliza Sultan

فیروز خان پاکستان کے معروف اور مقبول ڈرامہ و فلم اسٹار ہیں جنہوں نے بلاک بسٹر ڈرامے خانی سے بےحد شہرت حاصل کی۔ خانی کے بعد ان کا کیریئر مسلسل آگے بڑھا۔ وہ پہلے سیدہ علیزہ کے ساتھ رشتۂ ازدواج میں منسلک تھے، تاہم ذاتی مسائل کے باعث دونوں میں علیحدگی ہو گئی۔

علیزہ کی جانب سے فیروز خان پر گھریلو تشدد کے الزامات نے ان کی طلاق کو کافی عرصہ میڈیا کی توجہ کا مرکز بنائے رکھا۔ آج کل فیروز خان اپنی دوسری اہلیہ ڈاکٹر زینب کے ساتھ خوشگوار زندگی گزار رہے ہیں۔

حال ہی میں فیروز خان نے احمد رندھاوا کے شو گرین روم میں شرکت کی، جہاں انہوں نے اپنی سابقہ اہلیہ علیزہ سلطان کے ساتھ پیش آنے والے معاملات پر کھل کر گفتگو کی۔

اس موضوع پر بات کرتے ہوئے فیروز خان نے کہا، "میری کہانی بہت سیدھی ہے۔ میں اور ایک لڑکی ایک رشتے میں تھے، ہر رشتے میں اچھے اور برے دن آتے ہیں۔ ہمارے ایک برے دن نے بہت بُرا رخ اختیار کر لیا، بس پھر یہ ہوا۔ بعد میں جو چیزیں سامنے آئیں، شاید وہ گھبرا گئی، اور مجھے جھوٹے الزامات کا سامنا کرنا پڑا۔ میں ایسا آدمی نہیں ہوں جو کسی عورت کو مارتا ہو یا اس پر بندوق تان دے۔ میں اس بات پر کسی بھی چیز کی قسم کھا سکتا ہوں۔ مجھے ایسے مرد بالکل پسند نہیں جو عورت پر بندوق رکھیں یا طاقت دکھائیں۔ ہمیشہ عزت دو — عورتوں کو نہ مارو، نہ اُن پر رعب جھاڑو۔ جتنی بھی لڑکیاں جیسے حبا وغیرہ میرے ساتھ کام کر چکی ہیں، کسی نے کبھی نہیں کہا کہ میری طرف سے کوئی منفی تاثر ملا ہو۔ میں نے خاموشی کو ترجیح دی، اور جن لوگوں نے میرے ساتھ کام کیا ہے وہ میری صلاحیت اور مزاج جانتے ہیں۔ مجھے دوسروں کی باتوں سے کوئی فرق نہیں پڑتا۔"

فیروز خان نے مزید بتایا کہ وہ اتنے مضبوط تھے کہ اتنے بڑے تنازعے سے نکل سکے۔ انہوں نے یہ بھی کہا کہ انڈسٹری کے لوگ انہیں بتاتے تھے کہ اگر وہ اُن کی جگہ ہوتے تو شاید ٹوٹ چکے ہوتے۔