ہر وقت تھکن رہتی ہے تو اسے معمولی نہ سمجھیں بلکہ .. تھکن ہوتی ہے تو کون سی بڑی بیماری کا ٹیسٹ کروائیں؟

اکثر لوگوں کو نیند پوری کرنے کے باوجود بستر سے اٹھنے یا دیگر کام کرتے ہوئے تھکن محسوس ہوتی ہے. کبھی کبھار ایسا ہو تو کوئی مسئلہ نہیں لیکن اگر مستقل تھکن رہنے لگے تو ہوسکتا ہے آپ کو سنجیدہ نوعیت کی بیماری ہو. ہر وقت کی تھکن کون سی بیماریوں کی وجہ ہوسکتی ہے اور اس سے کیسے بچا جائے یہ جاننے کے لیے آپ ہمارا آرٹیکل آخر تک ضرور پڑھیں.

خون کے سرخ خلیات جسم کے ہر حصے تک آکسیجن پہنچانے کا کام کرتے ہیں یہی وجہ ہے کہ اگر جسم میں خون کی کمی ہوجائے تو تھکن رہنے کے علاوہ سر چکرانے جیسے مسائل کا سامنا بھی کرنا پڑتا ہے. خون کی کمی کو دور کرنے کے لیے کلیجی، بیج، مچھلی اور دیگر آئرن سے بھرپور غذاؤں سے کا استعمال کرنا چاہیے

جب خون میں موجود شکر جسمانی توانائی کے لیے ایندھن میں تبدیل نہیں ہوتی تو نتیجے میں ہمارا جسم کمزوری اور تھکاوٹ کا شکار ہوجاتا ہے. اس لیے ایسی صورت میں شوگر کا ٹیسٹ لازمی کروالیں.

گلے میں موجود تھائی رائیڈ غدود میٹابولزم کو کنٹرول کرتے ہیں اور اگر کوئی تھائی رائیڈ کی بیماری کا شکار ہو تو میٹابولزم کی رفتار سست ہوجاتی ہے اور تھکن کے علاوہ وزن بھی زیادہ ہوجاتا ہے.

دل کے امراض میں خون درست طریقے سے پمپ نہیں کرپاتا جس کی وجہ سے تھکاوٹ ہوسکتی ہے.

پیشاب کی نالی میں سوزش کے شکار افراد کو بھی شدید تھکن کا سامنا کرنا پڑ سکتا ہے اس لئے یو ٹی آئی ٹیسٹ (یورین ٹریکٹ انفیکشن ٹیسٹ) لازمی کروائیں.