چاند سا نکھرا چہرہ چاہتی ہیں تو چنے کے آٹے کو چند طریقوں سے استعمال کر کے بنائیں اپنا چہرہ ایک دم چاند جیسا

صحت مند جلد اور روشن چہرے کو برقرار رکھنے کے لیے ضروری ہے کہ آرٹیفیشل پراڈکٹس کے بجائے قدرتی طریقوں کو اپنا کر جِلد کی حفاظت کریں، آج ہم آپ کو بتانے والے ہیں کہ جِلد کی حفاظت اور شائستگی برقرار رکھنے کے لئے آپ چنے کا آٹا کن طریقوں سے استعمال کر سکتے ہیں۔
چنے کے آٹا پروٹین، فائبر، وٹامنز اور معدنیات سے مالا مال ہوتا ہے یہ سورج اور نقصان دہ ٹاکسن سے ہونے والے نقصان سے لڑتا ہے اور جِلد بہتر بناتا ہے۔
یہاں ہم آپ کو چنے کے آٹے کے استعمال کی چند آسان ٹِپس بتانے جا رہے ہیں جو ہر کوئی آسانی سے آزما سکتا ہے۔

• چنے کے آٹے اور ہلدی کا فیس پیک:

چنے کے آٹے کو دودھ میں ملائیں اس میں ہلدی شامل کریں اس کا گاڑھا پیسٹ بنا کر چہرے پر لگا لیں اور 15 منٹ بعد دھو لیں اسے ایک ماہ تک استعمال کریں، نکھرا چہرہ پائیں گی۔

صِرف چنے کا آٹا لگائیں:

چنے کے آٹے کو بنا کسی اور چیز کے ساتھ ملائے بھی استعمال کیا جا سکتا ہے، چنے کے آٹے کو پانی میں گھول کر پیسٹ بنا کر چہرے پر لگائیں، اور 15 منٹ بعد دھو لیں، آپ محسوس کریں گی کہ جھائیاں اور داغ دھبے کم ہو گئے ہیں۔

چنے کے آٹے اور لہسن کا پیسٹ:

چنے کے آٹے کو پانی میں ملا کر اس میں لہسن کا پیسٹ شامل کریں اور اسے چہرے پر لگا کر کچھ دیر مل کر چھوڑ دیں، اس سے آپ کے چہرے کی رنگت نکھرے گی اور مردہ اسکن سیلز ختم ہوں گے۔

چنے کا آٹا اور گرین ٹی:

چنے کا آٹا، 2 سے 3 چائے کا چمچ گرین ٹی اور ایک کپ پکی ہوئی گرین ٹی کو گرینڈ کریں، اور اس کا پیسٹ چہرے پر لگا لیں، اس سے چہرہ ترو تازہ نظر آئے گا۔

چنے کا آٹا اور کافی:

چنے کے آٹے میں کافی اور پانی ملا کر اسے چہرے پر لگائیں تو اس سے چہرے اور گردن پر موجود فاضل چربی کا اخراج ہو گا ساتھ ہی جھائیاں بھی دور ہوں گی۔