سردیوں میں بار بار پیشاب آنے کا مسئلہ نہیں ہوگا ۔۔ خشخاش اور سفید تل کو ایک ساتھ کھانے کے کچھ ایسے فائدے جو اس موسم میں آپ کے بھی کام آئیں

موسم اب ملک بھر میں تبدیل ہو چکا ہے اور زیادہ تر علاقوں میں ٹھنڈ شروع ہوچکی ہے۔ کہیں ٹھنڈی ہوا ہے تو کہیں بناء ہوا کے درجہ حرارت زیادہ ہے تو کہیں ٹھنڈک کے ساتھ نمی بھی بڑھ رہی ہے۔ یہ موسم شاید گرمی سے تو بہتر ہے کہ اس میں پسینہ نہیں آتا لیکن پیشاب زیادہ آنے کا مسئلہ بڑھ جاتا ہے۔ کچھ بچوں کو تو ویسے بھی بیڈ ویٹ کا مسئلہ ہوتا ہے لیکن سردی میں یہ زیادہ بڑھ جاتا ہے جس سے مائیں بھی پریشان ہو جاتی ہیں۔ ایسے میں آج ہم آپ کو بتانے جا رہے ہیں خشخاش اور سفید تلوں کے فائدے جس سے یہ مسئلہ بھی کنٹرول میں آئے اور دیگر جسمانی مسائل بھی کم ہوسکیں۔

٭ سفید تل:

سفید تل کھانے میں بھی ذائقہ دار ہوتے ہیں ان سے بنے لڈو تو اس موسم میں سب ہی شوق سے کھاتے ہیں۔ ان میں کیلشیئم کی مقدار زیادہ ہوتی ہے۔ جس کی وجہ سے یہ جسم کو طاقت بھی دیتے ہیں اور ہڈیوں کی مضبوطی میں بھی اپنا اہم کردار ادا کرتے ہیں۔

٭ خشخاش:

ایک چائے کا چمچ خشخاش میں 46 کیلوریز، 1.6 گرام پروٹین، 3.7 گرام چکنائی، 1.7 گرام فائبر، میگنیز، کاپر، کیلشیم، میگنیشیم، فاسفورس، زنک، تھیامین،آئرن اور کیمیا پولی فینل پایا جاتا ہے جو اسے ہماری صحت کے لیے مفید بناتا ہے۔

فوائد:

سفید تل اور خشخاش کو ایک ساتھ استعمال کرنے سے آپ طاقت کا بڑا خزانہ حاصل کرسکتے ہیں جیسے کہ:
٭ پیشاب بار بار آنے اور تکلیف یا جلن کے ساتھ پیشاب آنے کا مسئلہ ان دونوں چیزوں کو ایک ساتھ استعمال کرنے سے کنٹرول میں آ جائے گا۔
٭ ہڈیوں کی کمزوری اور بار بار گرنے یا تھکان کی وجہ سے مرجھائے ہوئے جسم کو دوبارہ فریش کرنے کی طاقت ان دونوں اجزاء میں پوشیدہ ہے۔
٭ جن لوگوں میں خون کی کمی ہوتی ہے وہ اس نسخے کو ضرور استعمال کریں اور اس کے ساتھ تمام تر ادویات وقت پر استعمال کریں، یہ قدرتی طور پر جسم میں خون کی افزائش کا ذریعہ بنتا ہے۔
٭ شوگر کے مرض میں خشخاش مفید ہے اور اس کی وجہ سے ہونے والے زخموں یا ٹوٹے ہوئے ناخنوں کو دوبارہ بڑھانے میں سفید تل فائدے مند ہیں۔
٭ خشخاش اومیگا تھری فیٹی ایسڈز کی وجہ سے وزن کم کرتی ہے جبکہ سفید تل ڈائٹنگ کی وجہ سے ہونے والی کمزوری کو متوازن رکھتا ہے جس سے انسانی جسم میں بھرپور طاقت پیدا ہوتی ہے۔

By Humaira  |   In Health and Fitness  |   0 Comments   |   1629 Views   |   01 Nov 2022
Related Articles
Top Trending
Comments/Ask Question

Read Blog about سردیوں میں بار بار پیشاب آنے کا مسئلہ نہیں ہوگا ۔۔ خشخاش اور سفید تل کو ایک ساتھ کھانے کے کچھ ایسے فائدے جو اس موسم میں آپ کے بھی کام آئیں and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (سردیوں میں بار بار پیشاب آنے کا مسئلہ نہیں ہوگا ۔۔ خشخاش اور سفید تل کو ایک ساتھ کھانے کے کچھ ایسے فائدے جو اس موسم میں آپ کے بھی کام آئیں) and how to utilize other natural ingredients to cure diseases, easy recipes, and other information related to food from KFoods.