میری کامیابی کے پیچھے ماں کا ہاتھ ہے کیونکہ.. ڈاکٹر عفان قیصر نے اپنی والدہ کی کیا کہانی بتائی؟ گفتگو کرتے ہوئے جذباتی ہوگئے

" میرا ماننا ہے کہ ہر مرد کی کامیابی کے پیچھے ہمیشہ ایک عورت کا ہاتھ ہوتا ہے۔ لوگ اکثر یہ کریڈٹ اپنی بیویوں کو دیتے ہیں، میں اپنی بیوی کو بھی کریڈٹ دیتا ہوں لیکن میرے معاملے میں میری والدہ نے اہم کردار ادا کیا۔ میں اس کا کریڈٹ اپنی ماں کو دیتا ہوں۔ انھیں مجھ پر فخر بھی ہے لیکن شہرت اور کامیابی زندگی کا حاصل نہیں ہے۔ یہ آپ کو مزید مشکلات کی طرف لے جاتی ہے۔ اس کی کوئی حد نہیں، شہرت اور دولت کی حد آپ کو خود طے کرنی ہوتی ہے۔"

یہ کہنا ہے معروف یوٹیوبر اور معدے کے مسائل کے ماہر ڈاکٹر عفان قیصر کا جنھوں نے حال ہی میں آصف جٹ کے پوڈ کاسٹ میں شرکت کی. ڈاکٹر عفان قیصر نے اپنی نجی زندگی اور کیریئر پر بات کرتے ہوئے اپنی والدہ کی قربانیوں کا بھی ذکر کیا اور گفتگو کرتے ہوئے جذباتی ہو گئے۔

اپنی والدہ کے بارے میں بات کرتے ہوئے ڈاکٹر عفان قیصر نے کہا کہ میں اپنی کامیابی کا کریڈٹ اپنی والدہ کو دیتا ہوں کیونکہ انہوں نے اپنی زندگی میں بہت دکھ اٹھائے، بہت سے اتار چڑھاؤ دیکھے لیکن طاقت اور ہمت کے ساتھ آگے بڑھتی رہیں۔ میں نے بھی زندگی میں بہت کچھ دیکھا ہے

واضح رہے کہ ڈاکٹر عفان معالج ہونے کے علاوہ یوٹیوب پر سماجی مسائل پر بھی گفتگو کرتے ہیں.